विराटनगर । निमार्ण व्यवसायी संघ मोरङले खुल्ला रक्तदान कार्यक्रममा आयोजना गरेको छ । १६ औं राष्ट्रिय निमार्ण दिवसको अवसर पारेर शुक्रबार खुल्ला रक्तदान कार्यक्रम आयोजना गरेको हो ।

संघको भवनमा आयोजना गरिएको रक्तदान कार्यक्रममा ५८ जनाले रक्तदान गरेको निमार्ण व्यवसायी संघ मोरङका अध्यक्ष महेश मिश्रले जानकारी दिए । रक्त संचार केन्द्रमा रगत अभाव भइरहेको अवस्थामा रगतको आपूर्ती गर्ने उद्देश्यले रक्तदान गरिएको उनले बताए ।

संघले निमार्ण दिवसको अवसर पारेर शुक्रबार साझ विराटनगरमा रहेको पूर्वाञ्चल बाल आश्रममा भोजन पनि गराएको अध्यक्ष मिश्रले बताए । बालआश्रममा रहेका बालवालिका र ज्येष्ठ नागरिकहरुलाई साझको भोजन गराएको संघले जनाएको छ ।