विराटनगर । एग्रो टुरिजमको प्रवर्द्धन गर्न पर्यटन व्यवसायीहरुले माग गरेका छन् । इलामको सूर्योदय नगरपालिका – ५ समालबुंगमा रहेको अन्तु डाँडा एग्रो फन्समा आयोजना गरिएको अन्तुको पर्यटन प्रवद्र्धनका लागि अन्तक्रिया कार्यक्रममा सहभागि भएका पर्यटन व्यवसायीहरुले यस्तो बताएका हुन् ।

सूर्यदय नगरपालिका ४ र ५ का पर्यटन व्यवसायीहरु सहभागि भएको कार्यक्रममा उनीहरुले एग्रो टुरिजमको प्रवर्द्धन गरेर अगाडी बढनुपर्नेमा जोड दिए ।कार्यक्रमको प्रमुख अतिथि रहेका नेपाल एसोसिएसन अफ टुर एण्ड ट्राभल एजेन्ट्स (नाट्टा) कोशी प्रदेशका अध्यक्ष पुण्य प्रसाद भट्टराईले समृद्धीका लागि कृषि र पर्यटनलाई जोडेर एग्रो टुरिजमको विकास गरिनुपर्ने बताए । इलामको श्रीअन्तु क्षेत्र प्रदेशकै उत्कृष्ट पर्यटन गन्तब्यको रुपमा विकास भइरहेको र धेरै सम्भावना बोकेको क्षेत्र भएकाले एकीकृत रुपमा पर्यटकीय क्षेत्रको रुपमा विकासमा राज्यले ध्यान दिनुपर्ने बताए ।

कार्यक्रममा एग्रो टुरिजम मार्फत अहिलेका युवाहरुले व्यवसाय गर्न चाहिरहेको पर्यटन व्यवसायीहरुले बताए । एग्रो टुरिजमको विकास भए अन्तु आउने पर्यटकलाई थप केही दिन राख्न सकिने उनीहरुले बताए । अन्तु डाँडा एग्रो फन्स प्रबन्धक निर्देशक विजय सुवेदीले कृषिमा रुपान्तरण गर्दै पर्यटनको विकासको लागि एग्रो टुरिजमा जोड दिनुपर्ने बताए । कृषिलाई आधार बनाएर पर्यटक भित्र्याउने रणनीति अनुरूप कृषिमा आधारित ‘एग्रो टुरिजम’ व्यवसाय गर्न ९० रोपनीमा अन्तु डाँडा एग्रो फन्स संचालनमा ल्याएको उनले बताए । व्यावसायिक कृषि उत्पादन र तिनै उपजबाट पर्यटन प्रवद्र्धन गर्ने उनको योजना रहेको छ ।
कार्यक्रममा अन्तु पर्यटन व्यवसायी संघका अध्यक्षका रुद्र प्रसाद घिमिरले यहाँको एग्रो टुरिजमको विकास गरेर आन्तरकि र बाहय पर्यटक भित्राउनुपर्ने बताए । श्रीअन्तुमाा एग्रो टुरिजमको विकास गर्नसके यहाँको पर्यटन क्षेत्र थप चलायमन हुने भएकोले हातेमालो गरेर अगाडी बढनुपर्ने उनले बताए ।

कार्यक्रममा सूर्यदय नगरपालिका ४ र ५ का दुई दर्जन बढी पर्यटन व्यवसायीहरुको उपस्थती रहेको थियो । कार्यक्रममा सहभागि भएका प्रमुख अतिथि, अतिथि र व्यवसायीहरुले ९० बिगा क्षेत्रफलमा फैलिएको अन्तु डाँडा एग्रो फन्सको पनि अवलोकन र निरीक्षण गरेका थिए । अहिले अन्तु डाँडा एग्रोमा चिया, विभिन्न प्रजातिका तरकारि, फलफुल, माछा, लोकल कुखुरा, नेपालको सबैभन्दा लामो गौतमबुद्धको मूर्ती रहेको छ । यहाँ एक लाख रुपैयाँ प्रतिकेजी रुपैयाँ पर्ने ग्रिन टि पनि उत्पादन हुने गरेको छ । ग्रिन टि विदेश निर्यात गर्ने योजना बनाएको संचालक सुवेदीले बताए ।
सोही अवसरमा नाट्टा कोशी प्रदेशका अध्यक्ष भट्टराई अन्तु डाँडा एग्रो फन्सका आजिवन सदस्य पनि बनेका छन् ।