विराटनगर, माघ २८–बालबालिकामाथि खासै चेकजाँच नहुने भएपछि लागुऔषध कारीबारीले बालिकालाई तस्करीका लागि प्रयोग गर्न थालेका छन् । सहजै आफूले भनेको ठाउँमा पुग्ने र प्रहरीले पनि बालबालिकामाथि निगरानी नगर्ने देखेपछि बालबालिकाको प्रयोग बढ्न थालेको हो । सबैतिर लागुऔषध कारोबारी बालबालिकालाई लागुऔषध ओसारपसारमा प्रयोग गर्न थालेका छन् । खुला सीमाको पाइदा उठाउँदै तराई क्षेत्रमा तस्करले लागुऔषध ओसारपसारमा प्रलोभन दिएर बालबालिका प्रयोग गर्न थालेको पाइएको छ ।
पछिल्लो समय बालबालिका नै लागुऔषध ओसारपसारमा संलग्न रहेका प्रहरीले पाएको छ । सोमबार बखरी प्रहरी चौकी विराटनगरबाट खटिएको प्रहरी टोलीले भारतको जोगबनीबाट एक बालकले शरीरमा बाधेर लागुऔषध ल्याउँदै गरेको अवस्थामा पक्राउ गरेको छ । बालक पक्राउपछि प्रहरीले ठूलो मात्रामा लागुऔषध भारतबाट नेपालतर्फ ल्याउन बालबालिकालाई प्रयोग गर्न थालेको रहस्य खुलेको हो । धरानका १४ वर्षीय एक बालकको शरीरमा टेपले बाँधेर ल्याएको अवस्थामा लागुऔषध विराटनगर–१२ आइतबारेको नहरबाट बरामद गरेको मोरङ प्रहरीका प्रमुख प्रहरी उपरीक्षक विश्व अधिकारीले जानकारी दिए ।
जोगवनीमा लागुऔषध सेवन गरेपछि तस्करीमा संलग्न गिरोहले लागुऔषध बालकको शरीरमा टेपले बाँधेर पठाइदिएको उनले बताए । तस्करीमा संलग्न गिरोहले ती बालकलाई गन्तव्यसम्म पुर्याएवापत १५ सय रूपैयाँ दिने सहमति गरेको खुलेकोसमेत उनले बताए । प्रहरीले पक्राउ गरेका ती बालक पनि लागुऔषध दुव्र्यसनी रहेको पाइएको बताएको छ । तीन महिनादेखि लागुऔषधको लतमा लागेका उनले आफूले पनि प्रयोग गर्ने र केही रकम लिएर लागुऔषध ओसारपसार गर्ने गरेको प्रहरीसँग बयान दिएका छन् । उनको साथबाट ७५ सेट लागुऔषध बरामद गरेको मोरङ प्रहरीले जनाएको छ ।
लागुऔषध कारोबारीले रकमको प्रलोभन दिने तथा लागुऔषधको लतमा लगाएर ओसारपसारमा प्रयोग गर्ने गरेको पाइएपछि प्रहरीले सीमामा बालबालिकामाथि पनि निगरानी बढाएको छ । कारोबारीले महिला र बालबालिकाको प्रयोग गरी सीमापारीबाट लागुऔषध नेपाल ल्याउने गरेका छन् ।
विराटनगर । सातौं संस्करणको विराट गोल्डकप फुटबल प्रतियोगितामा आज शुक्रबार विभागीय टिम त्रिभूवन आर्मी र जावलाखेल युथ क्लब खेल्दैछन् । विराटनगरको सहिद मैदानमा रात्रीकालिन हुने गोल्डकपमा आज राती ७ बजे खेल सुरु हुनेछ । विराट...
विराटनगर । घरेलु टिम विराटनगर सिटी सातौं संस्करणको विराट गोल्डकप फुटबल प्रतियोगितामा विजयी सुरुआत गर्दै सेमिफाइनलमा पुगेको छ । सहिद रंगशालामा बिहीबार भएको उद्घाटन खेलमा पूर्व विजेता टिम नेपाल पुलिस क्लबलाई १–० गोलले निराश बनाउँदै...
विराटनगर । विराटनगर – ७ मा रहेको मेरिल्याण्ड कलेजमा अध्ययरत विद्यार्थीहरूका लागि योग कक्षा सञ्चालनमा ल्याएको छ । कलेजका कक्षा – ११ मा अध्ययरत विद्यार्थीहरुको लागि दुई दिने योग कक्षा बिहीबारदेखि संचालन गरिएको हो ।...
विराटनगर । नेपाल उद्योग वाणिज्य महासंघ कोसी प्रदेशको अध्यक्षमा राजेन्द्र राउत निर्विरोध निर्वाचित भएका छन् । झापाको विर्तामोडमा सम्पन्न प्रदेश अधिवेशनबाट राउत निर्वाचित भएका हुन् । मुख्य निर्वाचन अधिकृत पुनमकुमार गुप्ताले दिएको जानकारीअनुसार महासंघको उपाध्यक्षमा...
पत्रकारिताको नयाँ आयामको रुपमा न्युजबिराट डट कम उपस्थित भएको छ । जनताको सूचनाको हक स्थापित गर्ने र आवाजविहिनहरुको आवाज बलियो बनाउने उद्देश्यसहित हामी आएका हौं । सत्य र न्यायप्रतिको पक्षधरतासहितको स्वतन्त्र प्रत्रकारिता हाम्रो मिसन हो ।