विराटनगर । तेली कल्याण समाज नेपालले विराटनगरमा खुल्ला रक्तदान कार्यक्रम आयोजना गरेको छ । चाडपर्वको अवसरमा शुभकामना आदानप्रदान सहित विराटनगरस्थित सेन्टर मल अगाडी खुल्ला रक्तदान कार्यक्रम आयोजना गरेको हो ।
दुई चरणमा गरिएको सो कार्यक्रमको पहिलो चरणमा रक्तदान कार्यक्रम राखिएको कार्यक्रम संयोजक जगतलाल साहुले बताए ।

नेपाल रेडक्रस सोसाईटी मोरङको प्राविधिक सहयोगमा गरिएको सो रक्तदान कार्यक्रममा ५१ पिन्ट रक्त संकलन भएको छ । शिवीरमा समाज आबद्ध पदाधिकारी सहित सर्वसाधारणले रक्तदान गरेका थिए ।

समाजले आफ्नो क्यालेन्डरमा उल्लेख गरेका कार्यक्रमहरु मध्ये यो कार्यक्रम पनि रहेको र रगतको माग दिनानुदिन बढदै गएको तर आपुर्ति कम भईरहेको अवस्थालाई मध्यनजर गरेर शिविर आयोजना गरिएको तेली कल्याण समाज नेपालका मोरङ अध्यक्ष डा. बालकृष्ण साहले बताए ।

रक्तदान लगतै सोहि स्थानमा वडादशै, दिपावली तथा छठको शुभकामना आदानप्रदान कार्यक्रम पनि राखिएको थियो । कार्यक्रममा समाजका विराटनगर वडा १ अध्यक्ष पुष्प साह, वडा २, ३ का अध्यक्ष निसान्त साह, वडा ४ का अध्यक्ष दिलिप साह,वडा ५ का अध्यक्ष सुरेश साह,वडा ६ का अध्यक्ष रामप्रसाद साह,वडा ८ का अध्यक्ष अलिपचन सुरज साह,वडा १० का अध्यक्ष सज्जन साह,वडा १४ का अध्यक्ष देव नारायण साह,वडा १८ का अध्यक्ष कन्हैया साह त्यस्तै सुनवर्षी पालिका अध्यक्ष महेशलाल साह, ग्रामथान पालिका अध्यक्ष प्रदिप कुमार साह, रंगेली नगर अध्यक्ष अशेश्वर साह,विराटनगर महानगर अध्यक्ष सञ्जय साह, जिल्ला महिला समिति अध्यक्ष अम्विका साह, शिक्षा तथा स्वास्थ समितिका सदस्यहरु,जिल्ला सदस्य, पदाधिकारी तथा सल्लाहकारहरु र केन्द्रीय सदस्य नरेन्द्र साह लगायत १०० भन्दा बढिको उपस्थिति रहेको कार्यक्रम संयोजक जगतलाल साहुले बताए ।