विराटनगर । नयाँ खेतीको रूपमा फस्टाउँदै गएको ‘ड्रागन फ्रुट’को खेती विस्तारै आम्दानीको राम्रो स्रोत बन्न थालेको छ  । ‘ड्रागन फ्रुट’ मा १३ प्रकारका पोषक तत्व हुने भएकाले पनि स्वास्थ्यका लागि लाभदायी रहेको बताइन्छ । अहिले ड्रागन फ्रुटको व्यावसायिक खेती विस्तार हुने क्रम बढेसगै यसलाई व्यावसायिक रुपमा अगाडी बढाउन थालिएको छ ।

कतिपयले यसको व्यावसायी रुपमा नै खेती गरेर मनग्ने आन्दानीको स्रोत बटुलिरहेका छन् भने कति पयले व्यक्तिगत प्रयोजनको लागी पनि घरका छतर करेसाबारीमा लगाउने गरेका छन् ।

यस्तै पुर्वी झापा मेचिनगर १० धुलाबारीकी ४० बर्षिया भावना अधिकारीको दैनिकी जिवन पनि त्यती ‘ड्रागन फ्रुट’ को खेती मै वितिरहेको हुन्छ । २०७७ साल माघमा १५ कट्ठामा लगाएको ९ सय वटा विरुवाबाट सुरु गरेको खेती अहिले झन्डै अडाई विगामा विस्तार भएको छ ।

भारतको हैदरबादबाट सिभेराईटी जातको ‘ड्रागन फ्रुट’ नेपालमा नै पहिलो पटक आफुहरुले भित्राएको भावना अधिकारीको दावी छ । अढाई विघामा लगाइएको े ‘ड्रागन फ्रुट’को खेतीमा फल फल्न झन्डै अढाई बर्ष जति लागेको प्याराडाईज एग्रो फर्मकी संचालिका भावना अधिकारीले बताउनुभयो । फर्म खेतीमा फल फलेपछि झन्डै १३ महिनादेखी व्यावसायीक रुपमा यसलाई आन्दानीको स्रोत बन्न थालेको उहाँले बताउनुभयो ।

फर्ममा अहिले राम्रो उत्पादन हुन थालेको छ, अन्य फल भन्दा फरक स्वाद र जुनसुकै विरामीले पनि खाने मिल्ने भएका कारण यसको माग बढीरहेको अधिकारीको भनाई छ ।

नेपालमा अहिले अन्य खेती जस्तै ड्राईगन फुडको खेती पनि बढीरहेको छ । भावना अधिकारीले जस्तै नेपालमा अन्य ड्राईगन खेती गर्नेहरुले यसलाई एउटा आम्दानीको स्रोत बनाउदै आएका छन् । पछिल्लो समय एकपछि अर्को कृषकहरुले ड्राईगन फुडको खेती गर्दै जानेथालेपछि यसको मुल्य पनि बर्षैपिछे घट्दै जान थालेको अधिकारीको अनुभव छ । तर यसको मुल्य जतिसुकै घटे पनि स्याउको मुल्यमा यसलाई बेच्न सके राम्रो हुने उहाँको दावी छ । फल फलेको पहिलो बर्ष १० लाख र दोस्रोपटक २० लाखको ड्राईगन फुड बेचेको अधिकारीले बताउनुभयो ।

प्याराडाईज एग्रो फर्ममा अहिले ४ देखी ६ जनाले प्रत्यक्ष रोजगार पनि पाईरहेका छन् । त्यति मात्र हैन केही दिनमा नै ड्राईगन फुडको आउट लेट राख्ने तयारी समेत भएको छ ।