जनकपुर, ३० वैशाख-लकडाउनका बेला सिरहामा १ जनाको हत्या गरिएको छ ।सिरहाको लहानमा टाउको काटिएको अवस्थामा १ व्यक्तिको शव फेला परेको छ । लहान नगरपालिका-१७ निवासी करिब ४० वर्षीय पुरुषको शव मंगलबार बिहान फेला परेको इलाका प्रहरी कार्यालय लहानका प्रहरी नायव उपरीक्षक शरदकुमार क्षेत्रीले जनाएको छ ।
घरदेखि ५५ मिटरको दूरीमा रहेको उनकै बारीमा टाउको काटिएको अवस्थामा शव फेला परेको छ । उनको सोमबार राति नै हत्या भएको आशंका गरिएको छ । यद्यपि कसले र किन हत्या गरेको हो ? भन्ने नखुलेको प्रहरी नायव उपरीक्षक क्षेत्रीले बताए । प्रहरीको टोली घटनास्थलमा पुगेर अनुसन्धान सुरु गरेको छ । शवलाई पोष्टमार्टमका लागि अस्पतालमा पठाइएको छ ।