विराटनगर । विराटनगर– ५ स्थित एभरेष्ट सेकेण्डरी स्कुलमा प्राथमिक तहस्तरीय हाजिरिजवाफ प्रतियोगिता सम्पन्न भएको छ । अन्तर‘हाउस प्रतियोगिताको पहिलो दिन कक्षा २ र ३ का हाउसहरुमा प्रतिष्पर्धा भएको थियो ।

जसमा मेचि हाउस प्रथम भएको अतिरिक्त कृयाकलाप इन्चार्ज सुधा डंगोलले बताइन् । यस्तै कक्षा ४ र ५ बिच भएको स्पर्धामा भने गण्डकी हाउस प्रथम भएको छ । मेचि दोस्रो र कोशी हाउस तेस्रो भएका छन् । राष्ट्रिय, अन्तर्राष्ट्रिय, विज्ञान, गणितलगायका विभिन्न ६ वटा विधामा प्रश्न राख्दै ६ राउण्डमा प्रतियोगिता गराइएको इन्चार्ज डंगोलले बताइन् । विद्यार्थीहरुको चौतर्फी विकासका निम्ति विभिन्न कृयाकलापलाई प्राथमिकताका साथ गराउँदै आएको एभरेष्ट स्कुलले शैक्षिक ज्ञानसँगै खेलकुदलाई समेत प्राथमिकता दिँदै आएको छ ।
एभरेष्टका विद्यार्थी समाजका अनेक आयाममा अब्बल भएर निष्कनुपर्न भन्ने आफुहरुको मान्यता रहेको भन्दै प्राचार्य टिकाराम पुरीले विश्वसँग प्रतिष्पर्धी बनाउन नियमित रुपमा विभिन्न किसिमका कार्यक्रमहरु नियमित सञ्चालन हुने गरेको बताए । भौतिक पूर्वाधार सम्पन्न भएको एभरेष्ट स्कुलले शिक्षालाई प्रविधि, सिप र संस्कृतिलाई पनि सँगै जोडेर अध्यापन गराउँदै आएको छ ।