बोल्न नसक्ने व्यक्तिको हत्या गर्ने ‘अघोरी’ पक्राउ - News Birat

बोल्न नसक्ने व्यक्तिको हत्या गर्ने ‘अघोरी’ पक्राउ

न्यूज विराट

काठमाडौं, माघ २९ । बोल्न नसक्ने व्यक्तिलाई कुटपिट गरी हत्या गरेको आरोपमा आफूलाई अघोरी बताउने एक जना पक्राउ परेका छन् ।पक्राउ पर्नेमा काठमाडौँ दक्षिणकाली नगरपालिका–६ फर्पिङस्थित दक्षिणकाली पार्टी प्यालेस अगाडि बस्ने ३५ वर्षीय शिव गिरी (अघोरी) छन्।

हालसम्म नामथर तथा ठेगाना नखुलेका अन्दाजी ४० वर्षीय पुरुषको हत्या आरोपमा अघोरीलाई पक्राउ गरिएको प्रहरीले जनाएको छ ।बोल्न नसक्ने व्यक्तिलाई बिहीबार अघोरीले दाउराको चिर्पट र बाँसको टुक्राले टाउकोमा प्रहार गरी घाइते बनाइदिएका थिए । उक्त सूचना प्राप्त हुनासाथ इलाका प्रहरी कार्यालय फर्पिङबाट खटिएको प्रहरी टोलीले अघोरीलाई पक्राउ गरेको थियो भने घाइतेलाई मनमोहन स्मृति सामुदायिक अस्पताल फर्पिङमा उपचारका लागि पठाएको थियो ।

मनमोहनबाट रेफर भई वीर अस्पतालमा उपचार गरिएकोमा शुक्रबार बिहान उनको मृत्यु भएको प्रहरीले जनाएको छ ।प्रहरीले अघोरीमाथि ज्यानसम्बन्धी कसुरमा थप अनुसन्धान सुरु गरेको जनाएको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles