विराटनगर । स्थापना कालदेखिनै विद्यार्थीहरूमा अनुशासनसहित गुणस्तरीय र जीवन उपयोगी शिक्षा प्रदान गर्दै आएको सगरमाथा सेकेण्डरी बोर्डिङ स्कूलले कक्षा ११ मा भर्ना भएका विद्यार्थीलाई स्वागत गर्दै अभिमुखीकरण गराएको छ ।

स्कुल परिसरमा बुधबार एक कार्यक्रम आयोजना गरी भर्ना भएका विद्यार्थीहरुलाई स्वागत गर्दै अभिमुखीकरण गराएको हो । 

छैठौ व्याजमा भर्ना भएका १५० जना विद्यार्थीहरुलाई स्वागत गर्दै उनीहरुलाई अभिमखीकरण गराएको स्कुलका प्रिन्सिपल त्रिलोचन गौतमलले जानकारी दिए । भर्ना भएका विद्यार्थीहरुलाई कलेजको बारेमा जानकारीगराउनुको साथै उनीहरुलाई कसरी अध्ययन गर्दा उत्कृष्ट नतिजा ल्याउन सकिन्छ त्यसबारेमा जानकारी गराएको उनले बताए ।

कार्यक्रममा विद्यार्थीहरुले नृत्य, गीत प्रस्तुत गरी दिनभरी रमाइलो गरे । कार्यक्रममा सगरमाथा माविको कोर्डिनेटर रामाज्ञ प्रसाद चौधरी, भाइस प्रिन्सिपल रोहिणीरमण दवाडी, शिक्षिका उषा तामाङ्गले विद्यार्थीहरुलाई संस्कार र सीपसहितको गुणस्तरीय शिक्षा प्रदान गर्दै आएको बताए ।  

२०५३ सालमा स्थापित यस स्कुलले छोटो समयमानै गुणस्तरीय शिक्षा प्रदान गरि विद्यार्थी र अभिभावक माझ आफ्नो भिन्न पहिचान बनाउँदै कोशी प्रदेशमा अभिभावक र विद्यार्थीको पहिलो रोजाइ बन्न सफल भएको छ । सहुलियत शुल्क तथा छात्रवृत्ति प्रदान गरेर न्युन आर्थिक अवस्थाका बालबालिकालाई समेत गुणस्तरीय शिक्षा प्रदान गर्दै आएको सगरमाथा स्कुल आफूलाई हरेक क्षेत्रमा अब्बल सावित गरि नेपाल प्रथम, द्वितीय र लगातार पाँच पटक पूर्वाञ्चल प्रथम हुन सफल भएको स्कुल हो ।