विराटनगर । विराटनगरमा जारी दोस्रो संस्करणको एसईइ कप अन्तर विद्यालय स्तरीय रनिङ्ग शिल्ड फुटबल प्रतियोगितामा पाँच वटा स्कुल विजय भएका छन् ।

विराटनगर – १ स्थित डन बस्को स्कूलको खेल मैदानमा मंगगलबार भएको खेलमा राधाकृष्ण मावि, कर्मवीर मावि, सेन्ट जोसेफ स्कुल, शारदा मावि र बराहा राईजिङ्ग स्टार स्कुल विजयी भइ दोस्रो चरणमा प्रवेश गरेको हो ।

प्रतियोगिताको पहिलो खेलमा लर्डबुद्ध स्कुललाई टाइब्रेकरमा ४–२ गोलले हराउँदै राधाकृष्ण मावि विजयी भएको छ । प्रतियोगिताको पहिलो खेलमो म्यान अफ म्याच राधाकृष्ण माविको आयुष खड्का घोषित भए ।

सोही दिन भएको दोस्रो खेलमा कर्मवीर माविले जेभियर्स स्कुललाई २–० गोलले हराउँदै कर्मवीर मावि विजयी भएको छ । जितको लागि कर्मबीरका सरोज सरदार र काले सरदारले गोल गरे । दोस्रो खेलको म्यान अफ द म्याच कर्मवीरका सरोज सरदार घोषित भए ।

तेस्रो खेलमा गोग्राह स्कुललाई ३–१ गोलले निराश बनाउँदै सेन्ट जोसेफ स्कुल विजयी भएको छ । सेन्टजोसेफको तर्फबाट निसान सिटौला, संसाङक राई र आरब शर्माले गोल गरे । गोग्राहको तर्फबाट सान्तवना गोल सुशिल विश्वकर्माले फर्काए । म्या अफ द म्याच गोग्राहका सुशिल भए ।

चौथो खेलमा शारदा माविलले जनपथ स्कुललाई २–१ गोलले पराजित ग¥यो । जितको लागि शारदाको तर्फबाट विक्रान्त चौधरी र सुवास हिमालले गोल गरे । जनपथको तर्फबाट दृश्य राइले सान्तवना गोल फर्काए । चौथो खेलको म्यान अफ द म्याच शारदाका सम्राट भट्टराई भए ।

अन्तिम पाँचौ खेलमा बराहा राईजिङ स्टारले माटर्स मेमोरिय स्कुललाई ३–० गोलले निसार बनायो । जितको लागि बराहाको तर्फबाट कृष पौडेलले दुइ र दिपसन राईले १ गोल गरे । खेलको म्यान अफ द म्याच बराहाका प्रशान्त राई घोषित भए ।
सभ्य कला समाज र सम्राट स्पोर्टिङ क्लबको संयुक्त आयोजनामा भएको खेलमा मोरङ र सुनसरीका ४५ वटा विद्यालयको सहभागी रहेको संयोजक कार्कीले जानकारी दिए ।