विराटनगर । तेली कल्याण समाज नेपालको मोरङ जिल्ला महिला कार्यसमिति गठन गरिएको छ । विराटनगरमा शनिबार भएको प्रथम महिला भेलाबाट विराटनगर ८ की अम्बिका साहलाई अध्यक्षमा चयन गरिएको हो ।

साहको अध्यक्षतामा १५ सदस्यिय समिति गठन भएको छ । समितिको सदस्य सचिवमा विराटनगर १० की सुनिता साह रहेका छन् । समितिमा १३ जना सदस्य रहेका छन् ।
समितिमा सरिता साह, नलिनि साह, आरती साह, रिता साह, सीता साह र कोमल साह रहेकी छिन् । अन्य सदस्यहरुमा ईन्दु साह, लक्ष्मी साह, बदामिया साह, बबी साह, हेमलता साह, सुनिता साह र सुनिता साह रहेकी छिन् ।

समितिमा सल्लाहकारहरुमा अधिवक्ता सञ्जु साह, निर्मला साह र सोमनी कुमारी साहलाई चयन गरिएको छ । यस तदर्थ महिला समितिले जिल्ला भरिका सजातीय महिलाहरुको भेला गराएर पुर्ण समिति बनाउने छ ।

कार्यक्रममा बोल्दै अधिवक्ता सञ्जु साह र तेली समाजका मोरङका जिल्ला अध्यक्ष डाक्टर बालकृष्ण साहले तेली समाजको जातिय पहिचान र भाषा–संस्कृति संरक्षण र उत्थानगर्न नवगठित कार्यसमितिले महत्वपुर्ण भु्मिका खेल्ने विश्वास ब्यक्त गरे ।

सोही अवसरमा तेली समाजको विराटनगरमा चार वटा वडामा समिति गठन गरेको छ । शनिवार तेली कल्याण समाज नेपालले विराटनगर वडा ४ मा भएको भेलाले दिलिप साहको अध्यक्षतामा नयाँ कार्य समितिहरु चयन गरेको छ ।

त्यसैगरि विराटनगर १५ र १६ को संयुक्त भेलाले अजयकुमार साहको अध्यक्षतामा १८ जनाको समिति गठन भएको छ । यसैगरी विराटनगर १८ मा कन्हैया लालको अध्यक्षतामा नयाँ कार्य समिति गठन भएको छ । तेली समाजको विराटनगरमा अब पाँच वटा वडामा समिति गठन हुन बाकी रहेको अध्यक्ष साहले बताए ।