विराटनगर । विद्यार्थी र अभिभावकको पहिलो रोजाइमा परेको विराटनगरस्थित शिक्षादीप कलेजमा प्रवेश परीक्षा दिने विद्यार्थीको भिड लागेको छ । विज्ञान संकायको लागि सोमबार कलेजले लिएको प्रवेश परीक्षामा विद्यार्थीहरुको भिड लागेको हो ।

सक्षम नेतृत्व, कुशल व्यवस्थापन, उत्कृष्ट शैक्षिक वातावरण तथा मिहिनेती प्राध्यापक, शिक्षक शिक्षिका भएर गुणस्तरीय शिक्षा प्रदान गरेको कारणले शिक्षादीपमा विद्यार्थी अध्ययन गर्न लालहित हुने गरेको छ । यस कलेजमा अध्ययन गर्न प्रत्येक साल प्रवेश परीक्षा लिने गरेको हो । विज्ञान संकायको परीक्षामा उल्लेखिनय विद्यार्थी प्रवेश परीक्षामा सामेल भएको कलेजका प्रमुख ज्ञानबहादुर खड्काले जानकारी दिए । प्रवेश परीक्षा दिएका मध्ये उत्कृष्ट विद्यार्थीलाई भर्ना गरिने उनले बताए ।
कलेजले असार २७ गते व्यवस्थापन संकायमा भर्ना हुने विद्यार्थीको लागि प्रवेश परीक्षा लिने भएको छ । अहिले प्रवेश परीक्षाको लागि पनि फर्म लिने विद्यार्थीको भिड लाग्ने गरेको छ ।

२०६५ सालमा स्थापित शिक्षादीप शिक्षामा अब्बल शैक्षिक संस्था बनेको प्रमाण धेरैभन्दा धेरै छन् । स्थापना कालदेखि नै सधैँ उत्कृष्ट दसमा पर्न सफल शिक्षादीप पढाइबाहेक अन्य अतिरिक्त क्रियाकलापमा पनि उत्कृष्ट रहँदै आएको छ । स्वच्छ वातावरणमा विज्ञान र व्यवस्थापन सङ्काय पढाइ हुने शिक्षादीपमा अत्याधुनिक सुविधा सम्पन्न भवनसमेत रहेको छ ।

उत्कृष्ट शैक्षिक वातावरण, अनुशासन, समर्पण भावसहितका शिक्षक, एडेक्वेट क्यारियर डेभलपमेन्ट अवसर, निरन्तर सुपरिवेक्षण शिक्षादीप कलेजको सफलताको सूत्र भएको प्रिन्सिपल खड्काले बताए । ‘एक उत्कृष्ट शैक्षिक संस्थाको मापन गर्ने माध्यम उक्त संस्थाबाट पास भएर गएका विद्यार्थी हुन्’, प्रिन्सिपल खड्काले भने, ‘शिक्षादीप पढेर गएका विद्यार्थीले देश विदेशमा हासिल गरेको सफलता नै हो । यहाँबाट पासआउट भएका विद्यार्थी विभिन्न ओहदामा पुगेका छन् । समयको मागअनुसारको शिक्षा, विद्यार्थीको उन्नयनका लागि सधैँ नयाँ योजना ल्याउनुले पनि शिक्षादीप अग्रणी संस्था बन्न सकेको हो ।’ शिक्षादीपबाट उत्तीर्ण भएर गएका विद्यार्थीहरू चिकित्सकदेखि, नेपालका उत्कृष्ट सूचीमा पर्ने सरकारी तथा प्राइभेट सबै बैङ्कहरूमा कार्यरत छन् । त्यस्तै आफ्नै व्यापार व्यवसाय गरेर बसेकाहरू पनि छन् ।