नेपालमा पाँचौ कोरोना संक्रमित भेटिए
नेपालमा आज फेरि अर्का एकजनामा कोरोना संक्रमण भेटिएको छ । स्वास्थ्य मन्त्रालयले पत्रकार सम्मेलन मार्फत अर्का एक जनाको नमूना परीक्षणमा पोजेटिभ देखिएको जानकारी दिएको हो ।
विराटनगर । नेपाल राष्ट्रिय मारवाडी युवा संगठनको उपाध्यक्षमा विराटनगरका युवा व्यवसायी गोपाल अग्रवाललाई प्रथम उपाध्यक्षमा चयन भएका छन् । नेपाल राष्ट्रिय मारवाडी युवा संगगठनको चौथो राष्ट्रिय महाधिवेशनबाट अग्रवाल सर्वसम्मत रुपमा प्रथम उपाध्यक्षमा चयन भएका हुन् ।
मारवाडी युवा मञ्च विराटनगरको अध्यक्ष रहेर महत्वपूर्ण सामाजिक कार्य गर्न सफल अग्रवाललाई संगठनको भावी अध्यक्षका रुपमा हेरिएको छ । देशभरका ५० हजारभन्दा बढी मारवाडी युवाको सामाजिक कार्य गर्ने थलो संगठन हो ।
प्रथम उपाध्यक्षमा निर्वाचित भएपछि अग्रवालले युवा पुस्तालाई सामाजिक कार्यमात्र होइन लगानी प्रवर्द्धन, आकर्षित गर्ने रचनात्मक कामका लागि संगठनले काम गर्ने बताए । आर्थिक क्षेत्रमा धेरै नै सक्रिय रहने मारवाडी समुदायका युवा पछिल्लो समय पलायन हुन थालेका छन् । नेपालमा लगानीको अवस्था नभएको बेला र युवालाई उद्यममै सक्रिय गराउन संगठनले अभियान चलाउने भएको छ ।
