विराटनगर । विराटनगरस्थित मोरङ जिल्ला कारागारमा कैद भुक्ता गर्दै आएका कैदीबन्दीहरुबीच खेलकुद प्रतियोगिता आयोजना गरिएको छ । कारागार भित्र बुधबार कैदीबन्दीहरुबीच खेलकुद प्रतियोगिता आयोजना गरिएको हो ।

प्रतियोगितामा आधा दर्जन बढी खेलहरु समावेश गरिएको थियो । भलिबल, चेस,बुद्धीचाल, ब्याटिमटन लगायतका खेलहरु रहेको थियो । सो प्रतियोगितामा बिजेता हुने कैदीबन्दीहरुलाई पुरस्कार वितरण कोशी प्रदेशका सांसद भिम पराजुली, अभिषेक गिरीले बितरण गरेका थिए । कैदीबन्दीहरुलाई शारिर रुपमा स्वास्थ्य राख्न खेलकुद गतिविधीहरु अपरिहार्य रहेको गिरीले बताए ।