विराटनगर । विराटनगरमा ३६ औं गणगौर पूजा महोत्सव २०७९ मनाएको छ । नेपाल मारवाडी गणगौर पूजा समितिले विविद्य कार्यक्रम आयोजना गरी गणगौर पूजा महोत्सव सोमबार मनाएको हो ।

महोत्सवको अवसर पारेर फेन्सी डे«स, सोह्र श्रृंगार, मारवडी पत्र लेखन प्रतियोगिता आयोजना गरिएको नेपाल मारवाडी गणगौर पूजा समिति अध्यक्ष नन्दकिशोर राठीले जानकारी दिए । उक्त प्रतियोगितामा प्रथम, द्धितीय र तृतीय हुने विद्यार्थीहरूलाई पुरस्कार पनि वितरण गरिएको थियो ।

सोही अवसरमा पत्रकार सुशिला पाठकसहित विभिन्न क्षेत्रमा योगदान पु¥याउने व्यक्तिहरुलाई सम्मान पनि गरियो । यस्तै मारवडी सामुदायकी रिना बर्मा, अदिति जैन, प्रज्ञा भंसाली, शालु अग्रवाललाई सम्मान गरियो । सम्मानित व्यक्तिहरुलाई कार्यक्रमको प्रमुख अतिथि उपसभामुख इन्दिरा रानाले कदर पत्र र दोसल्ला ओढाएर सम्मान गरेका थिए ।

कार्यक्रममा बोल्दै उपसभामुख रानाले यस्ता कार्यक्रममा भाषा, धर्मसंस्कृतिको संरक्षण ठुलो सहयोग पुग्ने बताइन् ।

महिलाहरुले घरपरिवारमा सुख शान्तिका लागि गणगौर पूजा गर्छन् । यो पूजा माडावारी महिलाहरुले परापूर्व कालदेखि नै मनाउँदै आइरहेको छ । घर परिवारमा सुख, शान्ति राख्नका लागि महिलाहरुले गणगौर पूज गर्ने चलन रहेको अध्यक्ष राठीले बताए ।