विराटनगर । तेली कल्याण समाज नेपाल मोरङ र नापी पेसाकर्मी समाज मोरङको संयुक्त आयोजनामा निःशुल्क लोक सेवा तयारी कक्षा सुरु भएको छ । विराटनगरमा सोमबार एक कार्यक्रम आयोजना गरी निःशुल्क लोक सेवा तयारी कक्षा सुरु भएको हो ।

एक महिनासम्म संचालन हुने निःशुल्क लोकसेवा तयारी कक्षामा अमिन, सर्वेक्षक र नापी अधिकृतका लागि आवेदन दिएका २० जनाको सहभागि रहेको तेली कल्याण समाज नेपाल मोरङका अध्यक्ष डाक्टर बालकृष्ण साहले जानकारी दिए ।

मोरङका सहायक प्रमुख जिल्ला अधिकारी प्रदिप कुमार साहको प्रमुख अतिथिमा समुद्घाटन गरिएको कार्यक्रममा अध्यक्षता दुवै संस्थाका अध्यक्ष डाक्टर बालकृष्ण साह र सियाराम यादवले गरेका थिए । कार्यक्रममा प्रमुख अथिति प्रदिप कुमार साहले दिनदिनै आवेदनको संख्या बढि र आवश्यकता कम भएकाले प्रतिस्पर्धा बढि हुने भएकाले मेहनत गर्नुपर्नेमा जोड दिएका थिए ।

कार्यक्रम तेली कल्याण समाज र नापी पेशाकर्मी समाजको संयुक्त आयोजनामा भएको भए तापनि जुनसुकै जात, समुदायका आवेदक सहभागी हुन सक्ने साहले बताए । कार्यक्रममा दुवै समाजका पदाधिकारीहरु, कोशी हेल्थ कलेजका निमित्त क्याम्पस प्रमुख सुर्य नारायण चौधरी, प्रमुख प्रशिक्षक नापी अधिकृत प्रविण कुमार साह, समाजका बिराटनगर अध्यक्ष अनिल साह लगायतको उपस्थिति रहेको थियो ।