राशिफल

फेरि बढ्यो पेट्रोलियम पदार्थको मूल्य

 न्यूज विराट
फेरि बढ्यो पेट्रोलियम पदार्थको मूल्य

काठमाडौं, ५ माघ । नेपाल आयल निगमले पेट्रोलियम पदार्थको मूल्य बढाएको छ । आज राति १२ बजेदेखि लागू हुने गरी निगमले पेट्रोल, डिजेल र मट्टितेलमा प्रतिलिटर ३ रूपैयाँ मूल्य बढाएको हो ।

मूल्यवृद्धिपछि काठमाडौंको लागि (निगमको डिपो क्षेत्रको १५ किमि परिसरभित्र) पेट्रोलको खुद्रा मूल्य १३९ रूपैयाँ पुगेको निगमले जनाएको छ । त्यस्तै डिजेल र मट्टितेलको मूल्य १२२ रूपैयाँ पुगेको छ ।

निगमले आन्तरिक हवाइ इन्धनमा साविकको मूल्यमा प्रतिलिटर पाँच रूपैया वृद्धि गरी प्रतिलिटल १०६ रूपैयाँ पुर्‍याएको छ । त्यस्तै अन्तर्राष्ट्रिय हवाइ इन्धनको मूल्य प्रतिकिलोलिटर १०० अमेरिकी डलर वृद्धि गरी ९९५ अमेरिकी डलर पुर्‍याइएको छ ।

खाना पकाउने एलपी ग्यासमा भने घाट भए पनि हाललाई मूल्य नबढाइएको निगमले जनाएको छ ।

मूल्यवृद्धिपछि पनि १५ दिनमा १ अर्ब ८८ करोड रूपैयाँ घाटा हुने निगमले जनाएको छ । जसअनुसार १५ दिनमा पेट्रोलमा करिब ३४.८१ करोड, डिजेलमा करिब ५७.४३ करोड घाटा हुने निगमको भनाइ छ । मट्टितेलमा भने १५ दिनमा २,०७ करोड नाफा हुने निगमले जनाएको छ । मूल्यवृद्धिपछि हवाइ इन्धनमा आन्तरिकतर्फ १५ दिनमा करिब २.६१ करोड र वाह्यतर्फ १३.७९ करोड नाफा हुने निगमले जानकारी दिएको छ ।

निगमका अनुसार एलपी ग्यासमा अहिले प्रतिसिलिन्डर ६४६.१६ रूपैयाँ घाटा भइरहेको छ । जसअनुसार १५ दिनमा ११४.८६ करोड घाटा हुने निगमले जनाएको छ ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...