विराटनगर । क्रिकेट प्रशिक्षकहरूको लागि आयोजना गरिएको दुई दिने क्रिकेट प्रशिक्षण तालिम शनिबार सम्पन्न भएको छ ।

नेपाल क्रिकेट फाउण्डेसन र क्रिकेट वीइदआउट बाउनड्रीज बेलायतको संयुक्त आयोजनामा शुक्रबारदेखि उक्त तालिम विराटनगरमा भएको थियो ।

दक्ष प्रशिक्षक उत्पादन गर्दै क्रिकेट खेलको विकास गर्ने उद्देश्यले आयोजना गरिएको तालिमका प्रदेश १ को झापा, मोरङ, सुनसरी, उदयपुर र इलामको गरी १५ जना क्रिकेट प्रशिक्षकहरूको सहभागि रहेको नेपाल क्रिकेट फाउण्डेसनका कार्यकारी निर्देशक अभिषेक श्रेष्ठले जानकारी दिइन् । तालिमको प्रशिक्षकहरूमा आइसिसीका बेलायतबाट आएका सारा बेग र लि बुथ रहेका रहेका छन् ।

‘यो तालिम क्रिकेट प्रशिक्षकहरूको लागि प्रराम्भिक चरणको फाउनडेसन तालिम हो,’ प्रशिक्षक लि बुथले भने, ‘यो तािलममा क्रिकेटको प्राविधिक ज्ञानदेखि खेलको नियमहरूको बारेमा जानकारी गराइन्छ । यस्तो तालिम विगतमा ट्रेष्ट खेल्ने राष्ट्रहरुलाई मात्र सहभागि गराउने गरेको थियो । अहिले आइसिसीले सबै लागि खुल्ला गरिएको छ । ’ यस्तो तालिम खर्चिलो हुने गरेको छ । प्रराम्भिक चरणको यो तालिम लिएपछि लेभल १ र लेभल २ को तालिम लिन सहज हुनेछ ।