उदयपुरको त्रियुगा नगरपालिका–२ खुदियाई जंगलबाट प्रहरीले लागू औषधसहित २ जनालाई पक्राउ गरेको छ ।बुधबार बेलुका जंगलबाट मोटरसाइकलमा घाँस भित्र लुकाएर लागूऔषध लिएर फर्कदै गरेका त्रियुगा नगरपालिका–१ का २४ बर्षीय विबेक राई र २२ बर्षीय भूपेन्द्र राईलाई प्रहरीले पक्राउ गरेको हो ।

चेकजाँच गर्ने क्रममा उनीहरुले ल्याएको घाँसभित्र लुकाई छिपाई ल्याउँदै गरेको लागूऔषध डाइजोल्याब ३० एम्पुल, लुजेसिक ३० एम्पुल र फेरागन ३० एम्पुल गरी ९० एम्पुल लागूऔषध बरामद गरिएको हो ।

उनीहरुले प्रयोग गरेको लु ४६ प ४४८ र स ११ प ४९७५ नम्बरको मोटरसाइकल समेत नियन्त्रणमा लिएर थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।