विराटनगर । मोरङ क्षेत्र नं. ४ (१) प्रदेशसभा तर्फका उम्मेदवार गुरुराज घिमिरेले संसदमा नीति बनाउन जाने भए पनि नागरिकलाई विकाससँग जोड्न आफूले सक्दो पहल गर्ने बताएका छन् । मोरङको कटहरिमा आयोजना गरिएको चुनावी कार्यक्रममा बोल्दै उनले यस्तो बताएका हुन् ।
उनले जनता विकासको पर्खाइमा रहेको आफूले महसुस गरेको भन्दै क्षेत्र नं. ४ को विकासमा आफू लागि पर्ने प्रतिबद्धता उनले जनाए ।
आफू यस पटक प्रतिगमनलाई परास्त गर्न र जनजीविकाको पक्षमा संसदमा आवाज उठाउन चुनावमा होमिएको उनको भनाइ थियो । जनताको अवस्था बदल्नुपर्ने भएकोले विकास र रोजगार सृजनामा जोड दिने उनले बताए । ‘मोरङ क्षेत्र नं। ४ को विकासको जग बसाउने काम महेश आचार्यले गर्नुभयो । त्यसपछि यहाँको विकासमा अमनलाल मोदीलेको पनि योगदान उत्तिकै रहेको छ । त्यही भएर फेरी उम्मेदवारी बन्नु भएको छ । हामी सबैले गठबन्धनका उम्मेदवारलाई अत्याधिक बहुमतले विजयी गरी जिताउनुपर्नेछ,’ उनले भने ।