विराटनगर, चैत २९–पूर्व संघिय मामिला तथा सामान्य प्रशासनमन्त्री लालबाबु पण्डितको पहलमा मोरङ क्षेत्र नं. ६ का स्थानीय तहलाई राहत सामाग्री हस्तान्तरण गरिएको छ । दैनिकज्यालादारी काम गरेर परिवारको जिविकोपार्जन गर्दै आएका परिवारलाई लक डाउनका कारण हामुख जोर्न समस्या परेपछि सोही क्षेत्रका सांसद रहेका पण्डितको पहलमा स्थानीयतहलाई एकद्धार प्रणाली मार्फत वितरण गर्न राहत सामाग्री हस्तान्तरण गरिएको छ ।

उक्त निर्वाचन क्षेत्र अन्तर्गत बुढीगंगा गाउँपालिकालाई सांसद पण्डितको पहलमा विभिन्न दाताहरुले उपलब्ध गराएको २५ सय केजी चामल, ५ सय केजी आलु, १ सय प्याकेट नुन, ६० प्याकेट बितरण गरिएको छ । सांसद पण्डितले कार्यकर्ता र प्रतिनिधिहरु मार्फत एकद्धार प्रणलीबाट वितरण गर्नका लागि गाउँपालिका अध्यक्ष बालचन्द्र माझिलाई राहत सामाग्री हस्तान्तरण गरेका हुन् । राहत सामाग्री नेपाल कम्युनिष्ट पार्टी नेकपाका प्रदेश कमिटी सत्यनारायण चौधरीले गाउँपालिका अध्यक्ष माझिलाई हस्तान्तरण गरे ।

त्यसैगरी सांसद पण्डितकै पहलमा सुन्दरहरैँचा नेकपा नगर कमिटी मार्फतसुन्दर हरैँचा विपद् व्यवस्थापन समितिलाई १५०० केजी चामल १५० केजी नुन वितरण गरिएको नेकपा प्रदेश कमिटी सदस्य चौधरीले जानकारी दिए ।

त्यस्तै सांसद पण्डितकै पहलमा सोही निर्वाचन क्षेत्र अन्तर्गत लक डाउनका कारण काम गर्न नपाएर दैनिक जिविको पार्जनमा समस्या पर्दै आएका विराटनगर महानगरपालिका–५ स्थित कारखाना टोलका ९० परिवार, र विराटनगर–७ स्थित हरियाली टोलका ६१ अति विपन्न परिवारलाईसमेत राहत सामाग्री वितरण गरिएको नेता चौधरीले बताए ।

यसैबीच बुढीगंगा गाउँपालिकाका अध्यक्षमाझिलाई युवा नेता किशोर भट्टराईको पहलमा रास्ट्रिय युवासंघबाट प्राप्त ७/७ थान पिपिइ, माक्स र चस्मा ७ वटै वडाका स्वास्थ्य संस्थालाई वितरण गर्न हस्तान्तरण गरिएको छ ।

त्यसैगरी नेकपा प्रदेश कमिटी सदस्य जिवन आचार्यको पहलमा सोहि क्षेत्र अन्तर्गत सुन्दरहरैँचा नगरपालिका र बुढीगंगा गाउँपालिकालाई १००/१०० बोरा चामल वितरण गरिएको छ । उक्त निर्वाचन क्षेत्रमा दैनिक ज्यादारी काम गरेर जिविकोपार्जन गर्ने कुनै पनि परिवारलाई समस्यामा पर्न नदिन र राहत उपलब्ध गराउँन नेकपाका नेता कार्यकता परिचालन गरिएको प्रदेश कमिट सदस्य चौधरीले बताए ।

‘एकद्धार प्रणाली मार्फत राहत वितरण हुनुपर्छ । त्यसैले हा्रमो तर्फबाट यस क्षेत्रका स्थानीय तहका जनता भोक भोकै बस्नुपर्ने अवस्था नआओस भनेर सम्बन्धीत स्थानीय तहलाईनै राहत उपलब्ध गराएका हौँ ।’ उनले भने,‘जनलाइृ पीर मर्कामा साथ दिन हाम्रा सवै नेता तथा कार्यकर्ता थप राहतका लागि पहल गर्न कृयाशिल हुनुहुन्छ ।’