विराटनगर । पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेस्टुरेन्ट होटेलमा पार्टी दिने प्रचलन रहेको छ । तर, नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले फजुल खर्च नगरी आफ्नो जन्मदिन विराटनगरस्थित विराटेश्वर वृद्धाआश्रम पुगेर जन्मदिन मनाएका हुन् ।

सामाजिक कार्यमा समेत सक्रिय रहेका व्यवसायी ढकालको जन्मदिन सोमबार परेको थियो । उनले विराटेश्वर वृद्धाआश्रममा पुगेर जुल, खाद्यान्न, फलफूललगायतका सामाग्री वितरण गरेका हुन् । आश्रममा अध्यक्ष जगतप्रसाद अर्याललाई उक्त समाग्री ढकालले हस्तान्तरण गरेका थिए ।

उनले आफ्नो जन्मदिनमा प्रत्येक वर्ष यसरी मनाउँदै आएका छन् । हजारौँ खर्च खर्चिएर रेस्टुरेन्ट होटेलमा पार्टी गरिनुभन्दा पनि त्यही खर्च सामाजिक कार्यका लागि खर्चिँदा समाजमा राम्रो सन्देश जाने भएकाले आश्रममा जन्मदिन मनाएको उनले बताए ।

उनले यसअघि पनि बाढीपीडितहरूलाई सहयोग गर्दै आएका छन् ।