एजेन्सी, बैशाख ५-बेलायतमा कोरोना भाइरस (कोभिड–१९) बाट संक्रमित हुनेको संख्या १ लाख नाघेको छ । बिहीबार ४ हजार ६ सय थपिएसँगै त्यहाँ संक्रमितको संख्या १ लाख नाघेको हो ।

वर्ल्डोमिटर्सका अनुसार बेलायत सर्बाधिक कोरोना संक्रमित देशको सूचीमा छैटौं स्थानमा पुगेको छ । त्यहाँ मृतकको संख्या पनि दिनहुँ बढिरहेको छ । पछिल्लो २४ घण्टामा मात्रै बेलायतमा ८६१ जनाले ज्यान गुमाएका छन् । योसँगै त्यहाँ कोरोनाबाट ज्यान गुमाउनेको कुल संख्या १३ हजार ७ सय

बेलायतमा शुक्रबार बिहानसम्म ४ लाख १७ हजार मानिसले कोरोना परीक्षण गरिसकेका छन् । जसमध्ये १ लाख ३ हजारमा कोरोना पुष्टि हुँदा १३ हजार बढी निको भएका छन् ।

अहिले बेलायतमा ८९ हजार संक्रमितको उपचार जारी छ । जसमध्ये १५ हजार बढीको अवस्था गम्भीर रहेको वर्ल्डोमिटर्सले जनाएको छ । गत वर्षको डिसेम्बरमा चीनको वुहानमा देखिएको कोरोनाबाट विश्वभर शुक्रबार बिहानसम्म २१ लाख ८१ हजार व्यक्ति संक्रमित भइसकेका छन् । जसमध्ये १ लाख ४५ हजारको मृत्यु हुँदा ५ लाख ४७ हजार बढी व्यक्ति उपचार पछि निको भइसकेका छन् ।

विश्वका २१० देशमा फैलिएको कोरोनाबाट नेपालमा हालसम्म १६ जनामा कोरोना पुष्टि भएसकेको छ । जसमध्ये १ जना उपचारपछि निको भइसकेका छन् ।