सत्तारुढ पाँचदलीय गठबन्धनले राष्ट्रपति विद्यादेवी भण्डारीले सदनमा फिर्ता पठाएकाे नागरिकता सम्बन्धी विधेयक फेरि जस्ताकाे त्यस्तै दुवै सदनबाट पारित गरेर प्रमाणीकरणका लागि पठाउने निर्णय गरेकाे छ ।

यसअघि दुवै सदनबाट पारित भएकाे विधेयक प्रमाणीकरणका लागि पेस गर्दा राष्ट्रपति भण्डारीले संशाेधन गर्न सुझाव दिँदै फिर्ता पठाएकी थिइन् ।

त्यसपछि आज बिहान बालुवाटारमा बसेकाे सत्ता गठबन्धनकाे बैठकले विधेयकलाई फेरि जस्ताकाे त्यस्तै पास गरेर राष्ट्रपतिकहाँ पठाउने निर्णय गरेकाे जनता समाजवादी पार्टीका अध्यक्ष उपेन्द्र यादवले जानकारी दिए ।

दाेस्राेपटक पठाएकाे विधेयक १५ दिनभित्र राष्ट्रपतिले प्रमाणीकरण गर्नुपर्ने संवैधानिक व्यवस्था छ । एमाले लगायतका दलहरूले भने फिर्ता आएकाे विधेयकमा उठेका प्रश्नहरूबारे राष्ट्रिय सहमति खाेजिनुपर्ने बताउँदै आएकाे छ ।