श्रीलंकाका राष्ट्रपति गोटबाया राजापाक्षेले श्रीलंका छोडेको रहस्य खुलेको छ । बेलायती प्रसारण संस्था बीबीसीसँग कुरा गर्दै श्रीलंकाका सभामुख महिन्दा यापा आबेवार्डेनले राजापाक्षे स्वदेशमा नभएको बताएका हुन्।

आर्थिक संकट गहिरिँदै  गएपछि नागरिकको आन्दोलन चर्को बन्दै जाँदा शनिबार प्रदर्शनकारीले राष्ट्रपति कार्यालय नै कब्जा गरेका थिए । आबेबार्डेनले भनेका छन्, ‘राष्ट्रपति देशबाहिर नजिकै हुनुहुन्छ। बुधबार राजीनामा दिनुहुन्छ। त्यतिबेला उहाँ स्वदेश फर्किनुहुन्छ।’

आन्दोलनकारी  शनिबार राष्ट्रपति निवास प्रवेश गर्नुअघि नै राजापाक्षेले निवास छाडेका थिए । तर, निवास छोडेपछि उनी कहाँ बसिरहेका छन् भन्ने खुलेको थिएन । सुरक्षा निकाय र उच्च राजनीतिक स्रोतले उनी रहेको स्थान खुलाएका पनि छैनन् ।