विभागका सूचना अधिकारी रवीन्द्र आचार्यका अनुसार सो अवधिमा ६८ फर्मलाई कारवाही गर्दा उक्त रकम सङ्कलन भएको हो । उनका अनुसार सो अवधिमा २ सय ७३ फर्म अनुगमन गरिएकामा १४ फर्म सामान्य अवस्थाका र  १ सय ५६ फर्ममा सामान्य कैफियत देखिएर तत्काल सुधार गर्न निर्देशन दिइएको छ ।

यसैगरी ९ फर्मबाट परीक्षणका लागि वस्तुको नमूना सङ्कलन लिइएको, २३ फर्मलाई स्पष्टीकरण सोधिएको, १६ फर्मको कारोवार रोक्का तथा सिलबन्दी गरिएको थियो भने  १५ हजार ३ सय ५७ बराबरका म्याद सकिएका सामग्री नष्ट गरिएको  उनले जानकारी दिए ।

विभागको तथ्याङ्कानुसार अनुचित व्यापारिक क्रियाकलाप गर्ने अनलाइन पसलबाट ३ लाख, औषधि पसलबाट ३ लाख ९५ हजार, खाद्य तथा किराना पसलबाट ५ लाख ८० हजार, गार्मेन्टबाट  ५० हजार राजश्व सङ्कलन भएको छ ।

यसैगरी डिपार्टमेन्टल स्टोरबाट २ लाख ६० हजार,  तरकारी पसलबाट १० हजार, निर्माण सामग्रीबाट  ५० हजार र  पानी उद्योगबाट ९ लाख रुपैयाँ राजश्व संकलन भएको छ ।

पार्टी प्यालेसबाट ३ लाख, फलफूल पसलबाट ५५ हजार, मार्टबाट ७० हजार, मासु पसलबाट ३ लाख, मास्क उत्पादनबाट १ लाख ५० हजार, औषधि पसलबाट  ५५ हजार र सर्जिकलबाट  ५० हजार जरिमाना उठाइएको थियो ।

उपभोक्ता संरक्षण ऐन, २०७५ बमोजिम अनुचित व्यापारिक कारोबार गर्ने पसललाई जरिमाना गरिएको विभागले जनाएको छ ।  काठमाडौँ उपत्यकामा गरिएको निषेधाज्ञा र चाडपर्व नजिकिँदै गर्दा कालोबजारीमा वृद्धि हुने भएकाले विभागका दैनिक ६ टोलीले बजार अनुगमन गर्दै आएका छन् । रासस