विराटनगर, ३१ वैशाख । सर्वाधिक चासोका साथ हेरिएको एमाले अध्यक्ष ओलीको गृहनगर समेत रहेको झापाको दमक नगरपालिकामा नेकपा (एमाले) ले अग्रता कायम गरेको छ ।

दमक–१ को दुई सय मत गणना गर्दा मेयरमा एमालेकी गिता अधिकारीले ९६ मत प्राप्त गर्दै अग्रता कायम गरेकी छन् । उनका निकटतम प्रतिद्वन्द्धी ६ दलिय गठबन्धनका राम थापाले ७९ मत प्राप्त गरेका छन् ।

उपमेयरमा भने ६ दलिय गठबन्धनबाट उम्मेदवार बनेकी नेपाली कांग्रेसकी रेगिना भट्टराईले ९० मत प्राप्त गर्दै अग्रता कायम गरेकी हुन् । दमकमा एमालेविरुद्ध पाँद दलिय सत्ता गठबन्धन र राप्रपा मिलेर एमालेविरुद्ध गठबन्धन गरेका छन् ।