नेपाल आयल निगमले पेट्रोलको मूल्य घटाएको छ । इन्डियन आयल कर्पोरेसनले मूल्य घटाएर पठाएपछि नेपालमा पनि पेट्रोलियम पदार्थको मूल्य घटेको हो । निगमले बुधबार राति १२ बजेदेखि लागू हुनेगरी मूल्य घटाएको हो ।

पेट्रोलको मूल्य १० रूपैयाँ घटाएर प्रतिलिटर ९६ रूपैयाँ कायम गरिएको आयल निगमले जनाएको छ । यसअघि १०६ रुपैयाँ प्रतिलिटरमा पेट्रोल बिक्री हुँदै आएरहेको थियो ।

त्यसैगरी डिजेल र मट्टीतेलको खुद्रा मूल्य पनि १०/१० रूपैयाँ घटाइएको छ । डिजेल र मट्टीतेलको मूल्य ८५ रूपैयाँ कायम भएको छ । यसअघि पनि २ रूपैयाँ घटाएको थियो ।

भारतीय आयल निगमले नयाँ मूल्यसूची पठाएपछि इन्धनको मूल्य समायोजन गरिएको निगमले जनाएको छ । विश्वभर कोरोना भाइरसको संक्रमणका कारण पेट्रोलियम पदार्थको खपतमा उच्च गिरावट आइरहेको छ ।