बाँचुन्जेल एमाले छाड्दीन, नदी नियन्त्रणलाई प्रथामिकतामा राखेर काम गर्छुः केदारप्रसाद यादव

 न्यूज विराट
बाँचुन्जेल एमाले छाड्दीन, नदी नियन्त्रणलाई प्रथामिकतामा राखेर काम गर्छुः केदारप्रसाद यादव

विराटनगर, २५ वैशाख । २०१९ सालमा तत्कालिन बरडंगा गाविसमा जन्मिएका केदारप्रसाद यादव उमेरले ६० पुग्न लागे ।

पारिवारिक वातावरणनै राजनीति भएपछि उनी बाल्यकालदेखिनै त्यसैमा आकर्षित भए । सानै उमेरदेखि राजनीतिक चेतना नआउँदै नेपाली कांग्रेसको झण्डा बोकेर यादव हिँडेका हुन् । बाबु जगदीस प्रसाद यादव राजनीतिमा सकृय भएकै कारण उनी बाल्यकादेखिनै राजनीतिमा जोडिएका हुन् ।

नेपाली कांग्रेसको संगठन निर्माणदेखि हेरेक गतिविधिमा सकृय रहँदै आएका यादव १८ वर्षको कलिलो उमेरमानै प्रधानपन्चको उम्मेदार थिए । सो बेला १७ मतले मात्र पराजित भएका यादव २०५४ सालको निर्वाचनमा नेपाली कांग्रेसका तर्फबाट गाविस अध्यक्षमा निर्वाचित भएका थिए ।

यादवले दक्षिणी क्षेत्रमा नेपाली कांग्रेसलाई स्थापित गर्नका लागि ठुलो भूमीका खेलेका थिए । तर, आफुलाई पार्टीले कहिल्यै न्याय नगरेको भन्दै उनी यतिबेला नेकपा (एमाले) मा प्रवेश गरेर सोही पार्टीबाट रतुवामाई–१ म वडाध्यक्षको उम्मेदवार बनेका छन् ।

निरन्तर सामाजिक काममा सकृय रहँदै आएका यादवको सो क्षेत्रमा राम्रो प्रभाव छ । उनले कांग्रेसबाट यसपटकको निर्वाचनमा वडाध्यक्षको उम्मेदवार बन्ने आकांक्षा राखेका थिए ।

जनतासँग घुलमिल हुने र सुख, दुःखमा साथ दिँदै आएका यादव आफ्नो पक्षमा जनसमर्थन भएपनि कांग्रेसले अर्कैलाई उम्मेदवारको टिकट दिएर अन्याय गरेपनि तत्कालै उम्मेदवार बनाएर एमालेले आफुमाथि न्याय गरेको बताए । ‘मैले आफ्नो जिवननै कांग्रेसका लागि समर्पित गर्दै आएको थिएँ । जिवनभर त्यो पार्टीका लागि रात दिन नभनि लागेपनि म माथि जहिल्यै अन्याय भयो ।’ उनले भने ,‘देश र जनताका लागि काम गर्ने पार्टी एमाले मात्र हो भन्ने स्पष्ट भइसकेकाले एमालेले प्रवेश गरेँ । कांग्रेसले अन्याय गरेपनि एमालेले मलाई टिकट दिएर न्याय दिएको छ । त्यसैले कांग्रेस छाडेँ । अब बाँचुन्जेल एमालेमै हुन्छु ।’

कांग्रेसमा रहँदा समकालिनहरु कोही नगरपालिकाको मेयर त कोही सांसद बनिसकेपनि आफुलाई पार्टीले जहिल्यै पाखा लगाएर अन्याय गरेकाले आफुले एमाले रोजेको उनले बताए । यादवले जनतालाई न्याय गर्ने र जनताका लागि काम गर्च चाहनेलाई एमालेले मात्र न्याय दिएको अनुभूती भएकाले आफु सो पार्टीमा जोडिएको बताए ।

उनले नेपाली कांग्रेसबाट देश र स्थानीय सरकार बन्न नसक्ने भएका कारण आफु मात्र नभई दक्षिणी क्षेत्रका अधिकांश जनाताको रोजाई एमाले बन्दै गरेको उनले दावी गरे । ‘हामी सँगैका साथीहरु मेयर, सांसद र ठुला नेता भए ।’ उनले भने,‘कांग्रेसमा मलाई लगातार अवसरबाट बञ्चित गरेको थियो ।’

यादवले कांग्रेसले अन्याय गरेकाले स्थानीय जनताकै आग्रहमा आफु उम्मेदवार बनेको दावी गरे । ‘यहाँका जनता र शुभचिन्तक साथीभाईकै आग्रहमा मैले उम्मेदवारी दिएको हो ।’ उनले भने,‘मेरो जनाधार भएपनि कांग्रेसले गुटवन्दी र काखापाखा गरेपछि यो अवस्था आएको हो ।’

तत्कालिन गाविस अध्यक्ष भएर काम गरिसकेको अनुभव बटुलेका यादवले आफ्नो कार्यकालमा जनताले अनुभूती हुने खालका थुप्रै कामहरु गरेका छन् । निरन्तर विभिन्न सामाजिक कामगरेर समाजसेवीको पहिचान बनाएका छन् ।

सोही कारण उनलाई जिताउन यतिबेला वडावासी उत्साहीत बनेर सघाइरहेका छन । अहिले सो वडामा मेयर, उपमेयर र वडाध्यक्षका उम्मेदवार यादवसहित एमालेको पक्षमा महौल देखिएको सृजना भएको छ । अन्य उम्मेदवारकासँग दुलना गर्दा केदारको पल्ला भारी भएको स्थानीयले बताएका छन् ।

उम्मेदवार यादले आफु निर्वाचित भइसकेपछि नदी नियन्त्रणलाई विशेष प्रथामिकतामा राखेर काम गर्ने बताए । बक्राहा खोलामा आउने बाढीका कारण वर्षेनी सो वडामा ठुलो धनजनको क्षती हुँदै आएका कारण आफुले मुख्यरुपमा नदी नियनत्रणलाई प्रथामिकतामा राखेर बर्षायाममा डुबान हुन नदिने योजनाले उनले अघि सारेका छन् ।

त्यस्तै सीमावर्ती क्षेत्रमा रहेको एक मात्र जंगललाई पर्यटनका रुपमा विकास गर्ने र वडा एवम प्राकृतिक श्रोत साधानको उचित सदुपयोग गरी वडाको चौतर्फी विकासमा लागि पर्ने उनको प्रतिवद्धता छ ।

उक्त वडा कृषिको उर्बर भूमी भएकाले प्रयाप्त सिँचाई सुचाई सुविधा र मल बिउ उपलब्ध गराउने यादवको प्रतिवद्धता छ । उनले वडामा हालसम्म एउटा पनि सामुदायीक भवन नरहेकाले आफु निर्वाचित भइसकेपछि सामुदायी भवन निर्माण गर्ने, सीमा क्षेत्रमा स्वास्थ्य केन्द्र बनाउने, बन्द अवस्थामा रहेको छोटी भन्सार कार्यालय सुचारु गराउन पहल समेत गर्ने बताए ।

त्यस्तै आमबाडीदेखि सीमा क्षेत्रसम्म कल्भर्ट तथा पुलहरु निर्माण गरि वर्षायाममा बाढीको पानी सहज निकासको व्यवस्थासमेत मिलाउने यादवले बताए । उनले वडालाई भ्रष्टाचार मुक्त बनाएर बजेतको सहि सदुपयोग गर्ने प्रतिवद्धता जनता माझ व्यक्त गरेका छन् ।

उनले वडाभित्रका मठ, मन्दीर, मस्जीदलगायत धार्मिक स्थलहरुको संरक्षक र विकास गर्ने, शिक्षाको खस्कँदो गुणस्तर सुधार गर्दै सामुदायीक विद्यायल प्रतिको आकर्षण बढाउने योजना समेत बनाएका छन्।

आर्थिकरुपले विपन्न परिवारलाई निःशुल्क स्वास्थ्य वीमा र विपन्न परिवारका छात्राहरुलाई उच्च शिक्षा अध्यनमा सहयोग गर्नेसमेत यादवको प्रतिवद्धता छ ।

 

सम्बन्धित समाचार

प्रदेश सरकारको ध्यान ‘थ्रिटी’मा: मन्त्री घिमिरे

विराटनगर, बैशाख २६–प्रदेश १ का सामाजिक विकास मन्त्री जीवन घिमिरेले कोरोना भाईरसको नियन्त्रणका लागि प्रदेश सरकारको ध्यान थ्रिटीमा केन्द्रित रहेको बताएका छन् । प्रदेश सरकारले कोरोना नियन्त्रणका लागि ट्रेसिङ, टेष्टीङ र ट्रिटमेन्टलाई मुख्य प्राथमिकता दिएर...

कोरोना संक्रमणबाट बाँकेमा अर्का १ युवकको मृत्यु, मृतकको संख्या २ पुग्यो

काठमाडौं, ४ जेठ-नेपालमा कोरोना भाइरसको संक्रमणबाट थप १ जनाको ज्यान गएको छ ।  बाँकेको नरैनापुर–५ का २५ वर्षका पुरुषको कोरोनाबाट निधन भएको स्वास्थ्य मन्त्रालयले पुष्टि गरेको छ । ३० वैशाखमा भारतबाट आएका ती युवकको गएराति एक्कासि स्वास्थ्यमा...

गाउँपालिका अध्यक्षले छाडे माओवादी,एमाले प्रवेश गरे लगत्तै बने जिल्ला सचिव

काठमाडौं, १२ असार । पर्साको छिपरमाई गाउँपालिका अध्यक्ष मनोज गुप्ता नेकपा माओवादी (केन्द्र) परित्याग गरी नेकपा एमालेमा प्रवेश गरेका छन् । गाउँपालिका अध्यक्षको पदावधि एक वर्ष बाँकी रहदा गुप्ताले आफू निर्वाचित दल परित्याग गरेका हुन्...

कांग्रेस सभापतिमा शेरबहादुर देउवा निर्वाचित

काठमाडौं, २९ मंसिर । नेपाली कांग्रेसको १४ औं महाधिवेशनबाट सभापतिमा शेरबहादुर देउवा दोस्रो कार्यकालका लागि निर्वाचित भएका छन् । मंसिर २४ गतेबाट राजधानीमा जारी महाधिवेशन अन्तरगत सभापतिको अन्तिम मतपरिणाम अनुसार देउवाले विजयी हासिल गरेका हुन्...

प्रधानमन्त्रीद्वारा पत्नी शाक्यलाई टीका

काठमाडौं, कात्तिक १०-प्रधानमन्त्री केपी शर्मा ओलीले विजयादशमीका अवसरमा आज धर्मपत्नी राधिका शाक्यलाई टीका लगाइदिएका छन् । प्रधानमन्त्री निवास वालुवाटारमा उनले धर्मपत्नी शाक्यलाई धार्मिक विधिपूर्वक टीका तथा जमरा लगाइदिएका हुन् । कोरोना सङ्क्रमणको सम्भावित जोखिमलाई ध्यानमा...

संक्रमित बढ्दै गएपछि कपिलवस्तुलाई सिल गरियो

बुटवल, २९ वैशाख-कोरोना संक्रमितको संख्या बढेपछि कपिलवस्तु जिल्लालाई सिल गरिएको छ । जिल्ला सुरक्षा समितिको बैठकले कोरोना नियन्त्रण एवं परीक्षणलाई प्रभावकारी बनाउन ५ जेठसम्म जिल्लालाई सिल गर्ने निर्णय गरेको हो । आज साँझ ५ बजे...

प्रदेश १ मा सोमबारसम्म ३२ सय ६८ जनाको कोरोना परीक्षण

विराटनगर, ८ वैशाख-प्रदेश १ मा सोमबारसम्म ३ हजार २ सय ६८ जनामा कोरोना परीक्षण भएको छ । सरकारले द्रुत परीक्षण विधि (आरडीटी) र ल्याबमा गरिने पीसीआर विधिबाट कोरोना संक्रमण भए/नभएको धमाधम परीक्षण गरिरहेको छ ।...

दोस्रो मिल्स भेट्रान्स गोल्डकप, धरान भेट्रान्स क्लब फाइनलमा

विराटनगर । विराटनगरमा जारी दोस्रो मिल्स भेट्रान्स गोल्डकप फुटबल प्रतियोगितामा हाम्रो धरान भेट्रान्स क्लब फाइनलमा पुगेको छ ।विराटनगर जुट मिलको खेलमैदानमा बिहीबार सम्पन्न भएको अन्तिम क्वाटरफाइनलमा घरेलु टिम मिल्स भेट्रान्स क्लबलाई १–० गोलले हराउँदै धरान...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्