विराटनगर, २ माघ । एकैपटक ६ जना कर्मचारीमा कोरोना संक्रमण देखिएपछि मालपोत कार्यालय विराटनगरको सेवा बन्द भएको छ ।

विराटनगरस्थित भूमि सुधार तथा मालपोत कार्यालयमा कार्यरत ६ जना कर्मचारीमा कोरोना पोजिटिभ देखिएको र अन्य कर्मचारीहरुमा समेत मिल्दो जुल्दो लक्षण देखिएकाले सेवा बन्द भएको हो ।

कार्यालयले आइतबार सूचना जारी गर्दै अर्को सूचना प्रकाशित नभएसम्मका लागि आन्तरिक कामकाजबाहेक सेवाग्राहीलाई दिइने सेवा बन्द गरिएको जनाएको छ ।