विराटनगर, ३० पुस । विराटनगरको नोबेल र काठमाडौंको केएमसी मेडिकल कलेजका सञ्चालक सुनील शर्मालाई विद्यार्थीहरूले कालोमोसो दलेका छन् ।

केएमसी कलेजका विद्यार्थीहरूले कलेजका सञ्चालक शर्मालाई कालोमोसो दलेका हुन् ।

शुक्रबार केएमसीको शुल्क विवादबारे सिंहदरबारमा छलफल गरेर फर्किनेक्रममा शर्मालाई विद्यार्थीले कालोमोसो दलेका हुन् ।

एमबीबीसी अध्ययनरत छात्राहरूसँग बढी शुल्क असुलेको भन्दै विद्यार्थीहरूले आन्दोलन गरिरहेका छन् । सोही विषयमा शुक्रबार शिक्षा मन्त्रालयमा सर्वपक्षीय छलफल भएको थियो ।

सो छलफल सकेर मन्त्रालयबाट बाहिरिनेक्रममा शर्मालाई विद्यार्थीहरूले सुरुमा नमस्कार गरेर कालोमोसो दलेका हुन् । कालोमोसो दल्ने विद्यार्थीलाई प्रहरीले नियन्त्रणमा लिएको छ ।