विराटनगर, १६ कात्तिक । सौर्य एयरलाइन्सले आगाी कात्तिक २२ गतेदेखि विराटनगर–भैरहवा उडान गर्ने भएको छ । प्रदेश नं. १ को राजधानीस्थित विराटनगर विमानस्थलबाट लुम्बिनी प्रदेशको भैरहवामा सिधा उडान गर्ने भएको हो ।

अन्तरप्रदेश उडान गर्ने उद्धेश्यका साथ दुई प्रदेशका यात्रुलाई लक्षित गरि दैनिक १ उडानका लागि नेपाल नागरिक उड्डयन प्राधिकरणमा अनुमतिका लागि आवेदन दिइएको एयरलाइन्सका बजार व्यवस्थापक मुकेश खनालले जानकारी दिए ।

उनले दैनिक विराटनगरबाट दिउँसो ३ बजेर ४५ मिनेटमा भैरहवा उड्ने र भैरहवाबाट साझ ५ बजेर ९ मिनेटमा विराटनगर फर्केने गरि तालिका तय गरिएको जानकारी दिए ।