विराटनगर, ७ भदौ । मोरङमा आफ्नै छोरी बलात्कार गरेको आरोपमा नेपाली सेनाका पूर्वजम्दार पक्राउ परेका छन् ।पक्राउ पर्नेमा बेलबारी नगरपालिका–११ का ५१ वर्षीय पुरुष रहेको जिल्ला प्रहरी कार्यालय मोरङका प्रहरी नायव उपरीक्षक दीपक श्रेष्ठले बताउनुभयो । डीएसपी श्रेष्ठका अनुसार उनीमाथि गत वर्षको माघ २० गते आफ्नै १४ वर्षीय छोरी बलात्कार गरेको आरोप छ ।

’ पक्राउ परेका उनलाई इलाका प्रहरी कार्यालय बेलबारीको हिरासतमा राखिएको छ । २०७७ साल माघ २० गते राति आफ्नै घरमा धाकधम्की दिँदै डर देखाएर छोरीलाई बलात्कार गरेको उनीमाथि आरोप छ । प्रहरीका अनुसार पीडितको स्वास्थ्य परीक्षणलगायतका प्रक्रिया पनि अघि बढाइसकिएको छ ।