विराटनगर, २६ असार । नेपाल कम्युनिष्ट पार्टी (एमाले) मोरङले बैधानिक कार्यकर्ताहरुबा अनुमोदित पार्टी निर्माण अभियान प्रारम्भ गरेको छ । पार्टी कार्यालय पाञ्चालीमा नेकपा (एमाले) मोरङका अध्यक्ष ऋषिकेश पोखरेलको अध्यक्षतामा शनिबार बसेको जिल्ला कमिटीको पूर्ण बैठकले सांगठनात्मक अराजकता र अवैधानिकता समाप्त गर्दै बैधानिक कार्यकर्ताहरुबाट अनुमोदित पार्टी निर्माण अभियान प्रारम्भ गर्ने निर्णय गरेको हो ।

शनिबार बसेको जिल्ला कमिटीको पूर्ण बैठकले पार्टी सदस्य व्यवस्थापन अन्तर्गत २०७८ चैत मसान्तसम्मको सालको सदस्यता नविकरण आगामी साउन १५ गते भित्रमा गरिसकेर जिल्लामा नामावली र शुल्क बुझाई सक्नुपर्ने निर्णय गरेको छ । बैठकले विभिन्न पार्टीबाट आएका, विगतमा नेकपा हुँदा पार्टी सदस्य कायम भएका र एमालेमा रहेका सवैको पार्टी सदस्यता नविकरण गर्ने निर्णय गरेको अध्यक्ष ऋषिकेश पोखरेलले जानकारी दिए । उनले नवीकृत पार्टी सदस्यलाई भदौ भित्रमा परिचय पत्रसमेत वितरण गरिने बताए । अध्यक्ष पोखरेलका अनुसार मोरङमा नेकपा एमालेका २५ हजार बढी पार्टी सदस्य छन् ।

त्यसैगरि संग्ठनात्मक व्यवस्थापन अन्तर्गत सवै पालिका तथा वडा कमिटीको अधिवेशन गर्ने पनि बैठकले निर्णय गरेको छ । सो बैठकले जिल्लाका १५९ वटा वडा पार्टी कमिटीको एकैदिन पारेर भदौ ५ गते र महानगरपालिका, नगरपालिका, तथा १७ वटै पालिकामा पालिका कमिटीको भदौ १५ गते अधिवेशन गर्ने निर्णय गरेको अध्यक्ष पोखरेलले बताए ।

त्यस्तै पार्टीका २४ वटै जन जनसंगठनहरुको जिल्ला तथा सवै पालिका कमिटीहरु आगामी साउन मसान्त भित्रमा निर्माण गर्ने निर्णय भएको जनाइएको छ । बाढी, पहिरोबाट हुन सक्ने सम्भावित जोखिमबाट बच्नका लागि आवस्यक सहयोग तथा स्वयंसेवकीय, संभावित जोखिमको रोकथाम र न्युनीकरणका लागि आवस्यक भूमिका निर्वाह गर्न जनवर्गिय संगठनहरु राष्ट्रिय युवा संघ, अनेरास्ववियु, टे«ड युनियन महासंघ र खेलकुद महासंघलाई आवस्यक सहयोगका लागि जिम्मेवारी दिईएको छ ।

एमाले नेता विनोद ढकालको प्रमुख आतिथ्यमा बसेको बैठकले आगामी भदौ भित्रमा सवै नागरिकलाई कोभिड १९ विरुद्धको खोप लगाउन संघीय सरकारसँग माग गर्ने निर्णय गरेको छ । यस्तै कोरोना माहामारीमा अग्रपंक्तिमा रहेर सहयोग गर्ने चिकित्सक, स्वास्थ्यकर्मी, सुरक्षाकर्मी र सवै क्षेत्रप्रति आभार प्रकट गर्ने निर्णय पनि बैठकले गरेको छ ।

कोरोना संक्रमण तथा अन्य कारणबाट निधन भएका पार्टीका नेता कार्यकर्ताहरुलगायत सवैमा श्रद्धाञ्जली तथा परिवारजनमा समवेदना प्रकट गरि पार्टी जिवनमा महत्वपूर्ण र दुरगामी प्रभाव पार्ने महत्वपूर्ण निर्णयहरुसहित एमाले मोरङको बैठक सौहार्दपूर्ण वातावरणमा भव्यरुपले सम्पन्न भएको अध्यक्ष पोखरेलले जानकारी दिए ।

बैठकमा नेता विनोद ढकाल, प्रदेश योजना आयोगका उपाध्यक्ष सुवोधराज प्याकुरेल, प्रदेश कमिटी, जिल्ला कमिटीका पदाधिकारी तथा सदस्यहरुलगायतको उपस्थिती रहेको थियो ।