सरकारले काठमाडौं उपत्यकामा मंगलबारदेखि निजी सवारीसाधनमा जोर–बिजोर प्रणाली लागू गर्ने तयारी गरेको छ । स्मार्ट लकडाउन लगाउने तयारी गरेको सरकारले निजी सवारीसाधनमा जोर–बिजोर प्रणाली गर्ने तयारी गरेको हो ।

‘निजीको हकमा जोर–बिजोर गर्ने विषयमा छलफल भइरहेको छ । साँझ बस्ने बैठकले जोर–बिजोरका विषयमा निर्णय गर्छ,’ एक अधिकारीले भने ।

भक्तपुरका प्रमुख जिल्ला अधिकारी प्रेमप्रसाद भट्टराईले पनि जोर–बिजोरका विषयमा छलफल भइरहेको बताए । उनले भने, ‘अलिकति व्यवस्थित, अलिकति लुज हुन्छ ।’ तीन जिल्ला प्रमुखको बैठक आज साँझ बस्दै छ ।