धनगढी, २९ चैत्र-सेती प्रादेशिक अस्पताल धनगढीको आईसोलेसनमा उपचाररत ३ जना कोरोना संक्रमितको रिपोर्ट फेरि पनि ‘पोजिटिभ’ आएको छ । धनगढी उपमहानगरपालिका वडा नम्बर हसनपुरका ३४ वर्षीय युवकको तेस्रो पटक र अन्य २ जनाको दोस्रो रिपोर्ट पोजेटिभ आएको हो ।

धनगढी उप–महानगरपालिका वडा नम्वर ५ का ३४ वर्षीय युवकमा १४ गते कोरोना पुष्टि भएकोमा यसअघि दोस्रो पटक गरिएको परीक्षणमा पनि रिपोर्ट पोजेटिभ देखिएको थियो भने शनिबार तेस्रो परीक्षणको रिपोर्ट पनि पोजेटिभ आएको सेती प्रादेशिक अस्पतालले जनाएको छ ।

धनगढीका युवकका तेस्रो पटक र उनकी भाउजूसहित भारतको उत्तराखण्डबाट फर्किएका कञ्चनपुरका ४१ वर्षीय पुरुषको दोस्रो पटक थ्रोट स्वाबको नमूना परीक्षण गर्दा रिर्पोट पोजिटिभ आएको सेती प्रादेशिक अस्पतालका प्रवक्ता डा. जगदिश जोशीले जानकारी दिए ।

त्यस्तै, मुम्बइबाट फर्किएका कैलालीको लम्कीचुहाका २१ वर्षीय पुरुषको परीक्षणको रिर्पोट भने आउन बाँकी रहेको बताइएको छ । संक्रमितको ४ जनाको अवस्था सामान्य रहेको अस्पतालले जनाएको छ ।