विराटनगर, १९ जेठ । जिल्ला प्रशासन कार्यालय मोरङले विराटनगरमा निषेधाज्ञा उल्लंघन गर्ने दुई जनालाई जरिवाना तिराएको छ ।

प्रशासनले बुधबार निषेधाज्ञा उल्लंघन गर्ने विराटनगर महानगरपालिका–१२ का दुई व्यक्तिहरुलाई जनही तीस/तीस हजार रुपैयाँ जरिवाना तिराएको हो ।

उनीहरुलाई कोभिड–१९ संकट व्यवस्थापन अध्यादेश २०७८ को परिच्छेद ५ को दफा २१ को उपदफा १ को (क) बमोजिम जनही तीस हजार रुपैयाँ जरिवाना गरिएको मोरङका प्रमुख जिल्ला अधिकारी कोषहरि निरौलाले जानकारी दिए ।