बन्दाबन्दी खुकुलो बनाउन मोरङका दलहरुको सरकारलाई आग्रह - News Birat

बन्दाबन्दी खुकुलो बनाउन मोरङका दलहरुको सरकारलाई आग्रह

न्यूज विराट

विराटनगर, जेठ २३–लामो समयदेखि जारी बन्दाबन्दीका कारण सवै क्षेत्र मारमा परेकाले त्यसको उचित विकल्प खोज्न सरकारलाई मोरङका दलहरुले आग्रह गरेका छन् ।

राष्ट्रिय जनता पार्टी (राजपा) नेपाल मोरङको कार्यालयमा अध्यक्ष मो. कादीरको अध्यक्षतामा सम्पन्न सर्वदलिय बैठकले सरकारलाई बन्दाबन्दी खुकुलो बनाउन आग्रह गरेको हो ।

दैनिक ज्यालादारी मजदुरी गरेर जिविकोपार्जन गर्ने मजदुर, उद्योगी, व्यवसायीलगायत सवै क्षेत्र मारमा परेकाले सरकारले जारी गरेको बन्दाबन्दी व्यवस्थित ढंगले खुकुलो बनाउनुपर्ने निश्कर्षसहित सरकारलाई आग्रह गरिएको राजपा मोरङ अध्यक्ष मो. कादीरले जानकारी दिए ।

त्यस्तै बैठकले सरकारलाई बन्दाबन्दी खुकुलो भएको २ महिना पछि मात्र सवै प्रकारका कर संकलन गर्न आग्रह गरेको छ । बन्दाबन्दीले आर्थिक रुपमा सवै क्षेत्रलाई असर पुर्याएकाले हालै सरकारले तोकेको म्याद भित्र कर तिर्न समस्या हुने भएकाले बन्दाबन्दी खुकुलो पारिएको २ महिना पछी मात्र कर अशुल्न सरकारसँग आग्रह गर्ने बैठकले निर्णय गरेको नेता कादीरले बताए ।

बैठकमा नेपाली कांग्रेसका मोरङका सचिव नागेस कोइराला, समाजवादी पार्टी मोरङका अध्यक्ष राजकुमार यादव, राष्ट्रिय जनता पार्टी (राजपा) नेपालका मोरङ अध्यक्ष मो. कादीर र राप्रपा मोरङका अध्यक्ष माधवप्रसाद आचार्यको उपस्थिती रहेको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles