वाणिज्य बैंकहरूको संस्था नेपाल बैंकर्स संघले विद्युतीय कारोबालाई प्राथमिकता दिन सर्वसाधारणलाई आग्रह गरेक‍‍ो छ ।

नेपाल राष्ट्र बैंकले एक चाैथाइ कर्मचारी राखेर सेवा दिन निर्देशन गरेकोमा बैंकर्स संघले तोकिएका काममा मात्रै बैंक आउन भनेको हो ।

खाताबाट नगद झिक्ने, खातामा नगद जम्मा गर्ने, रकम स्थानान्तरण, विप्रेषण भुक्तानी र अन्तर्राष्ट्रिय व्यापारका लागि बैंक कार्यलयहरूबाट सेवा दिन सक्ने उल्लेख गरिएको छ । पैसा झिक्नका लागि न्यूनतम सीमा नतोकिए तापनि जम्मा गर्न भने ५० हजारक‍ो सीमा तोकिएको छ ।

`ग्राहकलाई डिजिटल बैंकिङको प्रयोग गर्नुहुन अनुरोध गर्दछौँ । डिजिटल बैंकिङ प्रयोग गर्दा कुनै समस्या आएमा वा सहयोग आवश्यक परेको खण्डमा सम्बन्धित बैंकमा फोन वा इमेलमार्फत सम्पर्क गर्न सकिनेछ,´ संघले जारी गरेको विज्ञप्तिमा भनिएको छ ।