विराटनगर, २५ वैशाख । सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा कोरोना भाइरसको संक्रमणबाट थप एक पुरुषको मृत्यु भएको छ । प्रतिष्ठानको कोभिड–१९ अस्पतालमा उपचाररत धरान १२ का ४१ वर्षीय पुरुषको शनिबार मृत्यु भएको हो ।

श्वासप्रश्वासमा समस्या आएपछि मृतक पुरुषलाई २० वैशाखमा प्रतिष्ठानमा भर्ना गरिएको थियो । २१ बैशाखमा कोरोना रिपोर्ट पाजिटिभ देखिएपछि उनलाई कोभिड–१९ अस्पतालमा भर्ना गरेर उपचार सुरु गरिएकोमा उपचारकै क्रममा शनिबार मृत्यु भएको प्रतिष्ठानका सह–प्रवक्ता डा. चुरामणी पोखरेलले जानकारी दिए । यस अघि शनिबार विहान बीपी प्रतिष्ठानमै तेह्रथुमकी २० वर्षीया युवतीको संक्रमणबाट मृत्यु भएको थियो ।