विराटनगर, ३ माघ । नेपाल डोरी तान संघ प्रदेश १ को अध्यक्षमा रीता न्यौपाने चयन भएकी छन् । शुक्रबार सम्पन्न डोरीतान संघको प्रथम प्रदेश भेला तथा अधिवेशनबाट अध्यक्षमा निर्वाचित भएकी हुन् । समितिको उपाध्यक्ष सबिता भेट्वाल, सचीवमा युवराज चौधरी र कोषाध्यक्षमा राज कट्टेल चयन भएका छन् ।

त्यसैगरी सदस्यहरुमा अनिल राई, साक्षी न्यौपाने, शिखर श्रेष्ठ, युवराज प्रधान ,सन्तोष तामाङ, सुनिता कार्की, राजकुमार रोक्का र पवन गुरुङ चयन भएको नेपाल डोरी तान संघका केन्द्रीय सदस्य सत्यनारायण चौधरीले जानकारी दिए ।

प्रदेशभरीका डोरी तान खेलाडीहरुको सहभागितामा संघको प्रथम भेला तथा अधिवेशन सम्पन्न भएको हो । सो अवसरमा नव निर्वाचित पदाधिकारी तथा सदस्यहरुलाई मनमोहन प्राविधिक बिश्व बिधालय प्रमुख तथा नेपाल डोरी तान संघका केन्द्रिय उपाध्यक्ष डा. सुवाष श्री पोख्रेल, डोरी तान संघिका केन्द्रीय सदस्य, अशोक चौधरी , युबराज चौधरी, मकर बुढाथोकी ,कोषराज न्यौपाने लगायतले शुभकामना व्यक्त गरेका थिए ।