ट्याक्टर दुर्घटना, दुई जनाको मृत्यु - News Birat

ट्याक्टर दुर्घटना, दुई जनाको मृत्यु

न्यूज विराट

कपिलवस्तुमा ट्याक्टर दुर्घटना हुँदा दुई जनाको घटनास्थलमै मृत्यु भएको छ ।

मंगलबार बिहान बुद्धभूमि नगरपालिका-३, रनगाईमा लु ४ त २४०२ नम्बरको ट्याक्टर दुर्घटना हुँदा स्थानीय वर्ष ४८ की शिवकुमारी थारु र १६ वर्षीय फुल कुमारी थारुको मृत्यु भएको इलाका प्रहरी कार्यालय गोरुसिङ्गेले जनाएको छ ।

बालुवा लोड गर्न जान मजदुर लिएर हिँडेको ट्याक्टर सडकदेखि अन्दाजी २० मिटर तल खसेको थियो । दुर्घटनामा परी बलराम सुनार, कृष्ण विक, सरिता थारु र सीमा थारु घाइते भएका छन् । घाइतेहरूको विभिन्न अस्पतालमा उपचार भइरहेको प्रहरीले जनाएको छ ।

तीव्र गतिका कारण ट्याक्टर दुर्घटना भएको हुनसक्ने इलाका प्रहरी कार्यालय गोरुसिङ्गेका प्रहरी निरीक्षक लीलाराम आचार्यले बताए । घटनाबारे थप अनुसन्धान भइरहेको प्रहरीले जनाएको छ ।

 

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles