एजेन्सी, १९ मंसिर-भारतका प्रधानमन्त्री नरेन्द्र मोदीले कोरोना भाइरस (कोभिड-१९) विरुद्धको खोप केही हप्तापछि उपलब्ध हुने बताएका छन् । उनले शुक्रबार नयाँ दिल्लीमा आयोजना भएको विपक्षी दलहरूसँगको बैठकका क्रममा सो कुरा बताएका हुन् ।

प्रधानमन्त्री मोदीले भनेका थिए, ‘हामीलाई भारतीय वैज्ञानिकले भनेका छन्, हामीले आगामी केही हप्तामा नै यहाँ कोभिडका विरुद्धको खोपको सुरुवात गर्दैछौँ ।’ प्रधानमन्त्री मोदीले यसका भारतीय वैज्ञानिकले निकै मिहिनेत गरेको पनि सो अवसरमा विपक्षी नेतालाई जानकारी गराएका थिए ।

अबका केही हप्तामा भारतमा पनि कोरोना भाइरस विरुद्धको खोप दिन सकिने गरी तयारी गरिएको बताउँदै भारतीय वैज्ञानिकहरूले सबैभन्दा पहिला यो खोप कसलाई दिने भनेर सरकारले गृहकार्य गरेको पनि प्रधानमन्त्री मोदीले बताए ।

यो खोप सबैभन्दा पहिला स्वास्थ्यकर्मी, कोभिडको उपचारमा खटेका जनशक्ति, वृद्धवृद्धा र यसका विरामीलाई लगाइने गरी तयारी गरिएको जानकारी पनि प्रधानमन्त्री मोदीले बताए ।

भारतका विभिन्न राजनीतिक दलहरुको भर्चुअल बैठकमा सबैभन्दा पनि भारतको विपक्षी दल भारतीय कांग्रेसका अध्यक्ष राहुल गान्धीले भारतीय नागरिकले कहिलेदेखि कोभिडको खोप पाउँछन् भनेर प्रश्न गरेका थिए ।