विराटनगर, १२ भदौ–सामाजिक क्षेत्रमा अग्रसर रहेको रोटरी क्लब अफ विराटनगर डाउन टाउनले विराटनगर बखरीस्थित विपन्न परिवारलाई खाद्यान्न वितरण गरेको छ । आर्थिक रुपमा विपन्न ५० परिवारलाई खाद्यान्न वितरण गरेको हो ।

शुक्रबार एक कार्यक्रमकाबिच क्लबकी अध्यक्ष दिप्ती अग्रवाल, सचिव गिरिजा सारडा लगायतले दैनिक ज्यालादारी काम गर्दै आएका परिवारमा ५ जना भएका ५० परिवार(२५० जना) लाई खाद्यान्न वितरण गरेका हुन् । सो क्लबले प्रत्येक महिना विपन्न वस्तीमा पुगेर खाद्यान्न वितरण गर्दै आइरहेको क्लबकी सचिव गिरिजा सारडाले जानकारी दिइन् ।