कोरोना संक्रमणबाट काठमाडौं उपत्यकामा पाँच पुरुष र एक संक्रमित महिलाको निधन भएको छ । काठमाडौं र भक्तपुरका दुई पुरुषको र ललितपुरमा महिला र पुरुष एक/एक संक्रमितको निधन भएको मन्त्रालयले पुष्टि गरेको छ ।

त्यस्तै, बाँकेका दुई, झापा, सुनसरी, पर्सा, चितवन र रूपन्देहीका एक/एक पुरुष संक्रमितको निधन भएको छ । मकवानपुरमा महिला पुरुष एक/एक र दोलखामा एक महिला संक्रमितको कोरोना संक्रमणबाट निधन भएको मन्त्रालयको तथ्यांक छ ।

योसँगै कोरोना संक्रमणबाट मृत्यु हुनेको संख्या ४ सय २७ पुगेको मन्त्रालयले जनाएको छ । नेपालमा कोरोना संक्रमणबाट मृत्यु हुने दर ०.७ प्रतिशत रहेको छ ।