पछिल्लो २४ घण्टामा देशभर एक हजार ३ सय २५ जनामा कोरोना संक्रमण पुष्टि भएको छ । योसँगै संक्रमितको संख्या ६४ हजार १ सय २२ पुगेको छ ।

उपत्यकामा मात्र आइतबार ७ सय ६७ जनामा कोरोना पोजिटिभ देखिएको छ । मन्त्रालयका अनुसार आज उपत्यकाको काठमाडौंमा २३० महिला ३७३ पुरुष गरी ६ सय २, भक्तपुरमा ४१ महिला ६० पुरुष गरी १०१ र ललितपुरमा ४३ महिला र ३० पुरुष गरी ६४ जनामा कोरोना पोजिटिभ देखिएको हो ।

उपत्यका संक्रमण पुष्टि भएको यो संख्या अहिलेसम्मकै उच्च हो । शनिबार उपत्यकामा ७ सय ११ जनामा संक्रमण पुष्टि भएको थियो । आज देशभर ९ सय ६६ संक्रमित उपचारपछि डिस्चार्ज भएका छन् । योसहित कोरोना संक्रमणमुक्त हुनेको संख्या ४६ हजार २ सय ३३ पुगेको छ ।