कोरोना संक्रमणबाट मृत्यु हुनेमा उपत्यकाका तीन जिल्लाका चार जना रहेका छन् । काठमाडौंमा महिला र पुरुष एक/एक जना रहेका छन् भने भक्तपुरका एक पुरुष र ललितपुरकी एक महिलाको मृत्यु भएको छ ।

त्यस्तै, मोरङका दुई पुरुष र नवलपरासीका एक पुरुषको कोरोना संक्रमणबाट निधन भएको मन्त्रालयले जनाएको छ । योसँगै कोरोना संक्रमणबाट मृत्यु हुनेको संख्या ३ सय ९० पुगेको मन्त्रालयले जनाएको छ । नेपालमा कोरोना संक्रमणबाट मृत्यु हुने दर ०.६३ प्रतिशत रहेको छ।

आज देशभर २ सय ९ जनाको भेन्टिलेटर र आइसीयूमा उपचार भइरहेको छ । जसमध्ये १ सय ७३ जना आइसीयूमा र ३६ जना संक्रमितको भेन्टिलेटरमा उपचार भइरहेको मन्त्रालयको तथ्यांक छ । मोरङ, सुनसरी, सिराहा, काठमाडौं, भक्तपुर, ललितपुर, मकवानपुर, चितवन र रूपन्देही जिल्लामा पाँच सयभन्दा बढी संक्रमित रहेका छन् भने सोलुखुम्बु, रसुवा, डोल्पा, मुगु र हुम्लामा भने संक्रमण शून्यमा झरेको छ ।