झापामा आजदेखि निषेधाज्ञा खुकुलो
झापा, १ भदौ । झापामा विगत दुई सातादेखि लगाइँदै आएको निषेधाज्ञा आजदेखि खुकुलो भएको छ । जिल्ला कोभिड–१९ संकट व्यवस्थापन केन्द्रको सोमबार बसेको बैठकले बिहान १० देखि बेलुका ६ बजेसम्म सबैखाले पसल, सटर खुला गर्ने...
काठमाडौं, माघ १०–सभामुखका उम्मेदवार अग्नि सापकोटाविरुद्ध सर्वोच्च अदालतमा मुद्दा दर्ता भएको छ । अधिवक्ता दिनेश त्रिपाठीले आज सर्वोच्चमा रिट दर्ता गर्दै २०६२ सालमा भएको एउटा हत्या अभियोगमा सापकोटामाथि न्यायिक अनुसन्धान जारी रहेकाले उनलाई सभामुखमा निर्वाचन नगर्न र निर्वाचन प्रक्रिया रोक्न माग गरिएको छ । काभ्रेका अर्जुन लामाको हत्या अभियोगमा उनीविरुद्ध सर्वोच्च अदालतमा मुद्दा विचाराधीन छ । सापकोटा १२ माघमा सभामुखमा निर्विरोध निर्वाचित हुँदै छन् ।
उनीविरुद्द कुनै दलले पनि उम्मेदवार खडा नगरेपछि १२ माघमा बस्ने प्रतिनिधिसभा बैठकले सापकोटा सभामुखमा निर्वाचित भएको घोषणा गर्दै छ । निर्वाचित हुनुअघि दायर रिटमा सापकोटालाई पक्राउ गरी अनुसन्धान प्रक्रिया अगाडि बढाउन र अनुसन्धानका लागि स्पेसल टास्कफोर्स गठन गर्ने तथा सापकोटामाथि कारबाही प्रक्रिया अगाडि नबढाउनेमाथि कारबाही गर्नसमेत निवेदकले माग गरेका छन् । यस्तै, उनलाई हिरासतमा राखेर अनुसन्धान प्रक्रिया अगाडि बढाउन पनि माग गरिएको छ ।
