जनकपुरधाम, २८ साउन-जनकपुरधामका पूर्वमेयर तथा होटल रामाका सञ्चालक कृष्ण गिरीको कोरोना भाइरस (कोभिड-१९) बाट मृत्यु भएको छ ।उनको मंगलबार राति मृत्यु भएको उनका छोरा डा. सन्तोष गिरीले जानकारी दिए । कोरोना पुष्टि भएपछि गिरी काठमाडौंको मेडिसिटी अस्पतालमा उपचार गराइरहेका थिए । उनी पहिलेदेखि नै विभिन्न रोगबाट ग्रसित थिए । योसँगै धनुषामा कोरोनाबाट ज्यान गुमाउनेको संख्या ४ पुगेको छ । गिरी २०४२ सालमा जनकपुरको मेयरमा निर्वाचित भएका थिए ।