साझा बौद्ध बिरासतसँग जोडिएको गौतमबुद्धको बारेमा त्यस सम्मेलनमा कुरा भएको मन्त्रालयले प्रष्ट पारेको छ । ‘बुद्ध लुम्बिनीमा जन्मनु भएको थियो भन्ने बारेमा कुनै शंका छैन्, जुन नेपालमा पर्छ,’ मन्त्रालयका प्रवक्ता अनुराग श्रीवास्तवले जारी गरेको वक्तव्यमा भनिएको छ ।

विदेशमन्त्री जयशंकरले शनिबार भर्चुअल कार्यक्रममा बुद्धबारे गलत टिप्पणी दिएका थिए । कन्फेडेरेसन अफ इन्डियन इन्डस्ट्रीद्वारा आयोजित कार्यक्रममा जयशंकरले भनेका थिए, ‘तपाईंले सम्झने अहिलेसम्मकै सबैभन्दा महान दुई भारतीय को हुन् ? म भन्छु, पहिलो गौतम बुद्ध र अर्को महात्मा गान्धी हुन् ।’